येरमाळा येथे सोयाबीन पीक कापणी प्रयोग — दुष्काळाची दाहकता प्रत्यक्ष शेतात!

कळंब तालुका प्रतिनिधी÷ नागेश तोडकरी
07/10/2026

आज येरमाळा येथे सोयाबीन पीक कापणी प्रयोग करण्यात आला. या प्रयोगात 10 × 5 मीटर क्षेत्रातून सोयाबीनचे निव्वळ उत्पादन केवळ 650 ग्रॅम इतके नोंदवले गेले. म्हणजेच हेक्टरी उत्पादन अत्यल्प असल्याचे या प्रयोगातून स्पष्ट झाले.

पावसाने साथ सोडली…
पाण्याची कमतरता भासली…
आणि मोठ्या कष्टाने उभे केलेले सोयाबीन पीक अपेक्षित उत्पन्न देऊ शकले नाही.

आजच्या पीक कापणी प्रयोगातून दुष्काळाचा शेतकऱ्यांच्या उत्पादनावर झालेला परिणाम प्रत्यक्ष पाहायला मिळाला.

यावेळी ग्रामसेवक हांडे साहेब कृषी सहाय्यक तुफान खोत साहेब, विमा कंपनीचे प्रतिनिधी तसेच मा. जि.प सदस्य मदन बारकुल येरमाळा ग्रामपंचायत चे मा.उपसरपंच गणेश बाबा बारकुल व शेतकरी बांधव उपस्थित होते.

या प्रतिकूल परिस्थितीत शासनाने शेतकऱ्यांच्या पाठीशी ठामपणे उभे राहून पीक नुकसानभरपाई आणि पीक विम्याची योग्य व तातडीने मदत मिळवून द्यावी, हीच शेतकरी बांधवांची अपेक्षा आहे.