अकोला : सेवा संकल्प अभियानांतर्गत भारतीय जनता पार्टीच्या उगवा मंडळात बुधवार, दि. ७ ऑक्टोबर २०२६ रोजी ‘सेवा ज्योती यात्रा’ व विकसित भारत संकल्प सभा उत्साहात पार पडली.
कार्यक्रमाची सुरुवात लोणाग्रा येथील शहीद सुमेध गवई यांच्या स्मारकापासून झाली. देशभक्तीपर गीत व वादन, दीपप्रज्वलन, वंदे मातरम् व महाराष्ट्र गीतानंतर मान्यवरांचे स्वागत करण्यात आले. यावेळी विविध मान्यवरांनी उपस्थित कार्यकर्त्यांना मार्गदर्शन केले.
यावेळी राष्ट्रीय अध्यक्ष मा. नितीन नवीनजी तसेच मा. पंतप्रधान नरेंद्रजी मोदी यांचे मार्गदर्शन स्क्रीनद्वारे उपस्थितांनी ऐकले. ‘विकसित भारत @2047’ या संकल्पनेवर मार्गदर्शन करण्यात आले. त्यानंतर उपस्थितांनी विकसित भारतासाठी सामूहिक शपथ घेतली.
प्रमुख अतिथींच्या हस्ते सेवा ज्योती प्रज्वलित करण्यात आली. राष्ट्रगीतानंतर सेवा ज्योती यात्रेला प्रारंभ झाला. लोणाग्रा येथून निघालेली मोटारसायकल रॅली हातला मार्गे आगर गावातून मार्गस्थ झाली.
हा कार्यक्रम विधानसभा मुख्य प्रभारी तसेच अकोला पूर्वचे आमदार मा. रणधीरभाऊ सावरकर, अकोला लोकसभा खासदार मा. अनुपदादा धोत्रे, अकोला जिल्हाध्यक्ष संतोष शिवरकर, जिल्हा सरचिटणीस माधव मानकर, अंबादास उमाळे, राजूभाऊ नागमते तसेच उगवा मंडळ अध्यक्ष गणेश लोड यांच्या मार्गदर्शनाखाली पार पडला.
कार्यक्रमाला किशोरभाऊ खोले बाळकृष्ण ठाकरे हिम्मतजी देशमुख किरण ठाकरे अनिल हलवणे अक्षय ढोरे रवि खारोडे अमोल अटकर मार्तंड पाटील धीरज सोनोने गजेंद्र खोटरे उगवा मंडळ सरचिटणीस प्रदीप खोले जिल्हा पदाधिकारी, किसान मोर्चा अध्यक्ष दिगंबर थोटे युवा मोर्चा अध्यक्ष बलवंत गावंडे मंडळ पदाधिकारी, शक्ती केंद्रप्रमुख, बूथप्रमुख तसेच भाजपा कार्यकर्त्यांची मोठ्या संख्येने उपस्थिती होती. सेवा, समर्पण आणि विकसित भारताचा संकल्प घेऊन कार्यकर्त्यांनी उत्स्फूर्त सहभाग नोंदविला.
कार्यक्रमाचे नियोजन व आयोजन शिवशंकर पाटील डिक्कर यांनी केले. कार्यक्रमाच्या यशस्वी आयोजनासाठी सर्व पदाधिकारी, कार्यकर्ते व उपस्थितांचे आभार मानण्यात आले.
