‘ग्रामसमृद्धी मायणी गाव’ पुस्तकाचे उत्साहात प्रकाशन; सकाळ मीडिया प्रा. लि.च्या उपक्रमाचे कौतुक
मायणी | खटाव प्रतिनिधी
मायणी येथे सकाळ मीडिया प्रायव्हेट लिमिटेड यांच्या वतीने आयोजित ‘ग्रामसमृद्धी मायणी गाव’ या पुस्तकाचा प्रकाशन सोहळा उत्साहात पार पडला. या सोहळ्याला उपस्थित राहण्याची संधी मिळाली. मायणी गावाचा समृद्ध इतिहास, निसर्गसौंदर्य, संस्कृती आणि गावाची वैशिष्ट्यपूर्ण ओळख सर्वसामान्यांपर्यंत पोहोचवण्याच्या उद्देशाने या पुस्तकाची निर्मिती करण्यात आली आहे.
सकाळचे पत्रकार अंकुश चव्हाण यांनी या उपक्रमासाठी घेतलेला पुढाकार कौतुकास्पद असल्याची भावना यावेळी व्यक्त करण्यात आली. गावाचा इतिहास, परंपरा आणि सांस्कृतिक वारसा शब्दबद्ध करून तो पुढील पिढ्यांपर्यंत पोहोचवण्याचे महत्त्वपूर्ण काम या पुस्तकाच्या माध्यमातून झाले आहे.
या उपक्रमासाठी पुढाकार घेणारे जाहिरात व्यवस्थापक राजेश निंबाळकर, सहव्यवस्थापक ऋषिकेश शेवती, पत्रकार अंकुश चव्हाण तसेच प्रकाशन सोहळा यशस्वी करण्यासाठी परिश्रम घेणाऱ्या सकाळच्या संपूर्ण टीमचे अभिनंदन करण्यात आले. त्यांच्या पुढील वाटचालीसाठी शुभेच्छाही देण्यात आल्या.
आपल्या गावाचा इतिहास, संस्कृती आणि अस्मिता जपणारे असे उपक्रम निश्चितच प्रेरणादायी आहेत. ‘ग्रामसमृद्धी मायणी गाव’ हे पुस्तक मायणीच्या वैभवशाली परंपरेची ओळख नव्या पिढीला करून देण्यास उपयुक्त ठरेल, अशी अपेक्षा व्यक्त होत आहे.
