प्रति क्विंटल ९,०११ रुपये दर; पहिल्याच दिवशी ७५ क्विंटल कापसाची आवक
मुंगी
मुंगी येथे बबन शेठ भुसारी यांच्या सार्थक कृषी सेवा केंद्रात आज कापूस खरेदीचा शुभारंभ करण्यात आला. यावेळी शेतकऱ्यांच्या कापसाला प्रति क्विंटल ९,०११ रुपये दर देण्यात आला. खरेदीच्या पहिल्याच दिवशी केंद्रावर अंदाजे ७५ क्विंटल कापसाची आवक झाली.
या शुभारंभप्रसंगी मुंगी गावचे सरपंच राजेंद्र ढमढरे, युवा नेते संदीप जाधव, माजी ग्रामपंचायत सदस्य रंग गोरडे, सुधाकर हिंगे, स्वप्नील राजेभोसले, छावा ब्रिगेड महाराष्ट्र राज्याचे उत्तर युवक अध्यक्ष शिवाजी समिंदर, बडू पाटील दसपुते, सतीश गव्हाणे, संतोष देवढे यांच्यासह अन्य मान्यवर उपस्थित होते.
कापूस खरेदी सुरू झाल्यामुळे परिसरातील कापूस उत्पादक शेतकऱ्यांना आपला माल विक्रीसाठी स्थानिक केंद्र उपलब्ध झाले आहे. यामुळे शेतकऱ्यांमध्ये समाधानाचे वातावरण असल्याचे सांगण्यात आले.
