नऊ दिवस धार्मिक कार्यक्रमांचे आयोजन; देवीच्या दर्शनासाठी भाविकांमध्ये उत्साह
करंजगाव | दापोली प्रतिनिधी
दापोली तालुक्यातील करंजगाव येथील ग्रामदेवता आई महामाई देवीच्या नवरात्रोत्सवाला मोठ्या भक्तिभावात आणि उत्साहात सुरुवात झाली आहे. नवरात्रोत्सवामुळे मंदिर परिसरात भक्तिमय वातावरण निर्माण झाले असून, देवीच्या दर्शनासाठी भाविकांची लगबग पाहायला मिळत आहे.
नऊ दिवस चालणाऱ्या या उत्सवात आई महामाई देवीची पूजा-अर्चा, आरती आणि विविध धार्मिक कार्यक्रमांचे आयोजन करण्यात येत आहे. देवीच्या जयघोषाने मंदिर परिसर दुमदुमत असून, भाविक सुख, समृद्धी, आरोग्य आणि भरभराटीसाठी देवीचरणी प्रार्थना करत आहेत.
करंजगावच्या ग्रामदेवतेवरील ग्रामस्थांची श्रद्धा आणि भक्ती या नवरात्रोत्सवातून अधोरेखित होत आहे. उत्सवाच्या निमित्ताने ग्रामस्थ आणि भाविकांमध्ये आनंदाचे व उत्साहाचे वातावरण आहे. आई महामाई देवीच्या आशीर्वादाने सर्वांच्या जीवनात सुख, शांती आणि समृद्धी नांदो, अशी प्रार्थना व्यक्त केली जात आहे.
जय आई महामाई! 🙏🚩
