‘
क्रांतिसिंह नाना पाटील यांच्या नेतृत्वाखाली साताऱ्याच्या भूमीत उभारलेल्या ऐतिहासिक प्रतिसरकाराची शौर्यगाथा आता मोठ्या पडद्यावर अनुभवायला मिळणार आहे.
नुकत्याच प्रदर्शित झालेल्या प्रभावी टीझरनंतर आता चित्रपटाच्या प्रदर्शनाची अधिकृत घोषणा करण्यात आली असून, २० नोव्हेंबरपासून ‘पत्री सरकार १९४२’ चित्रपटगृहात दाखल होणार आहे.
भागीरथी मोशन पिक्चर्स प्रस्तुत, विशाल गोविंदराव जाधव निर्मित या चित्रपटाचे लेखन, गीत, संगीत व दिग्दर्शन मनिष अनसुरकर यांनी केले आहे. विशेष म्हणजे अभिनेते उपेंद्र लिमये यांचा दमदार आवाजही या चित्रपटात ऐकायला मिळणार आहे.
लहानपणी इतिहासाच्या पुस्तकात वाचलेलं पत्री सरकार आता रुपेरी पडद्यावर अनुभवण्याची उत्सुकता आहे.
पोस्टरने अभिमान जागवला, टीझरने उत्सुकता वाढवली… आता प्रतीक्षा २० नोव्हेंबरची!
कारण हा केवळ एका चित्रपटाचा विषय नाही, तर महाराष्ट्राच्या मातीतून उभ्या राहिलेल्या स्वातंत्र्यलढ्याच्या असामान्य संघर्षाची गाथा आहे!
कुणाल साळुंके
चित्रपट विश्लेषक / समीक्षक
