आजरा प्रतिनिधी-:
श्री शेखर संभाजी पाटील
गोकुळ दूध संघाच्या आगामी निवडणुकीत महायुतीला स्पष्ट बहुमत मिळेल असा विश्वास व्यक्त करत पालकमंत्री प्रकाश आबिटकर यांनी महायुतीच्या विजयाचा दावा केला. महायुतीकडे सुमारे चार हजार तर महाविकास आघाडीकडे एक हजार ठरावधारक असल्याचे सांगत त्यांनी गोकुळ मध्ये महायुतीचा 25 -0 असा विजय निश्चित असल्याचे प्रतिपादन केले, कार्यकर्त्यांनी कोणत्याही प्रलोभनाला बळी पडू नये असे आवाहन ही त्यांनी केले.
आजरा येथील व्यंकटराव हायस्कूल च्या मैदानावर गोकुळ दूध संघाच्या निवडणुकीच्या पार्श्वभूमीवर शिवसेना (शिंदे गट) आयोजित मेळाव्यात ते बोलत होते. जिल्हा परिषदेचे माजी उपाध्यक्ष जयवंतराव शिंपी यांनी मेळाव्याचे अध्यक्ष स्थान भूषविले या मेळाव्यात गोकुळच्या निवडणुकीतील महायुतीची भूमिका कार्यकर्त्यांची जबाबदारी आणि आजरा तालुक्याचे योगदान याबाबत चर्चा करण्यात आली.
मेळाव्यात विष्णुपंत केसरकर, शिवसेनेचे तालुकाप्रमुख संजय पाटील, आदित्य रेडेकर, सुनील शिंदे आणि इंद्रजीत देसाई यांनी ही मनोगत व्यक्त केले
यावेळी शिवसेनेचे जिल्हा उपाध्यक्ष राजेंद्र सावंत, प्रभाकर खांडेकर, सुरेश होडगे, भिकाजी गुरव, परशुराम बामणे, बाळ केसरकर, महेश खेडेकर, विजय थोरवत, संतोष भाटले, धनंजय पाटील, सुनील दिवेकर, विठ्ठल उतुरकर, यांच्यासह विविध गावचे सरपंच, पदाधिकारी कार्यकर्ते उपस्थित होते.
कार्यक्रमाचे प्रस्ताविक अभिषेक शिंपी यांनी केले. शिवाजी पारळे यांनी सूत्रसंचालन केले. तर रणजित सरदेसाई यांनी आभार मानले
