प्रसिद्ध लेखक व हास्यसम्राट संजय कळमकर साहेब आणि जिल्हाप्रमुख लक्ष्मणराव पोकळे यांच्या हस्ते उद्घाटन सोहळा संपन्न
चिचोंडी पाटील, ता. नगर : चिचोंडी पाटील येथे मंगळवार, दिनांक १३ ऑक्टोबर २०२६ रोजी सायंकाळी ७ वाजता प्रहार दिव्यांग क्रांती संघटनेच्या शाखेचे उद्घाटन प्रसिद्ध लेखक, हास्यसम्राट तथा माजी गटशिक्षणाधिकारी मा. श्री. संजय कळमकर साहेब आणि प्रहार दिव्यांग संघटनेचे जिल्हाप्रमुख श्री. लक्ष्मणराव पोकळे यांच्या हस्ते उत्साहपूर्ण वातावरणात संपन्न झाले.
या उद्घाटन सोहळ्यामुळे चिचोंडी पाटील येथे दिव्यांग बांधवांच्या संघटनात्मक कार्याला नवी दिशा मिळाली असून, दिव्यांग बांधवांचे प्रश्न, त्यांच्या अडचणी आणि हक्कांसाठी संघटितपणे काम करण्याच्या दृष्टीने या शाखेची स्थापना महत्त्वपूर्ण मानली जात आहे.
या कार्यक्रमाला प्रहार संघटनेचे जिल्हा सचिव श्री. हमीद शेख, नगर तालुका कृषी उत्पन्न बाजार समितीचे संचालक श्री. बाजीराव हजारे, नगर तालुका संजय गांधी निराधार योजना समितीचे सदस्य श्री. अशोकराव कोकाटे, माजी सरपंच श्री. पांडुरंग नाना ससे, प्रहार दिव्यांग संघटनेचे नगर तालुका कार्याध्यक्ष श्री. संदीप शेंडकर, शिवसेना नेते डॉ. मारुती ससे आणि युवा नेते श्री. विजय गाडे यांची प्रमुख उपस्थिती होती.
तसेच कामधेनू पतसंस्थेचे सचिव श्री. अंबादास कोकाटे, श्री. महादेव खडके, श्री. संतोष वाडेकर, श्री. घनश्याम शेंदुरकर, श्री. सचिन भोस, श्री. गंगाधर कोकाटे, श्री. राहुल पवणे, श्री. प्रशांत शेंदुरकर, श्री. दत्ता मेहेत्रे, श्री. संदीप मांढरे, श्री. लहानु कोकाटे, श्री. दिलीप आगलावे, श्री. मधुकर हजारे, श्री. मयूर पवार, श्री. अशोक हजारे मेजर, श्री. युवराज हजारे, श्री. महादेव दिलवाले, श्री. संजय शिंदे, श्री. मोहन मांढरे, श्री. विलास रामदास हजारे, श्री. दत्ता वाडेकर आणि राम कोकाटे सर यांच्यासह गावातील प्रतिष्ठित नागरिक, ग्रामस्थ आणि दिव्यांग बांधव मोठ्या संख्येने उपस्थित होते.
दिव्यांग बांधवांना त्यांच्या न्याय्य हक्कांसाठी एकत्र आणणे, शासकीय योजनांचा लाभ मिळवून देण्यासाठी प्रयत्न करणे आणि त्यांच्या समस्या प्रशासनापर्यंत पोहोचवून त्या सोडविण्यासाठी पाठपुरावा करणे, अशा सामाजिक कार्यासाठी संघटनेची शाखा उपयुक्त ठरेल, अशी अपेक्षा यावेळी व्यक्त करण्यात आली.
चिचोंडी पाटील येथे प्रहार दिव्यांग क्रांती संघटनेच्या शाखेचे उद्घाटन उत्साहात पार पडल्याने उपस्थित दिव्यांग बांधव आणि ग्रामस्थांमध्ये आनंदाचे वातावरण होते.
