दुचाकी अपघातात एकाचा मृत्यू एक जखमी सेलू पाथरी रस्त्यावर मंजित जिनिंग परिसरात घडली घटना..

सेलू शहरातील पाथरी रस्त्यावर मंजीत जिनींग परिसरात भरधाव दोन दुचाकीच्या समोरासमोर झालेल्या धडकेत एकजण जागीच ठार झाला तर अन्य एक जण गंभीर जखमी झाला आहे. जखमिस शहरातील खाजगी रुग्णालयात प्राथमिक उपचारानंतर छत्रपती संभाजी नगर येथे रेफर करण्यात आले आहे

ही घटना गुरुवार 16 जानेवारी रोजी दुपारी साडेबाराच्या सुमारास घडली.याबाबत पोलिसांनी दिलेली माहिती याप्रमाणे शहरातील बंधन बँकेतील कर्मचारी कृष्णा रामेश्वर बचाटे वय 27 वर्षे राहणार पाटोदा ता. परतूर हा आपल्या दुचाकीवरून पाथरी रस्त्याने जात होता

तर याच रस्त्याने मांजीत जीनिंग मधील मजुरी करणारा राजू दशरथे वय 28 वर्षे राहणार फुले नगर सेलू आपल्या दुचाकीवरून सेलू कडे येत असताना भरधाव दोन्ही दुचाकित समोरासमोर झालेल्या धडकेत कृष्णा रामेश्वर बचाटे यांचे जागीच निधन झाले

तर राजू दशरथे गंभीर जखमी झाले. घटनेची माहिती कळताच सपोनी संजय चव्हाण, पोलीस हवालदार ज्ञानेश्वर जानगर, पोलीस कर्मचारी सुरेश पुलाते, के आर मुलगीर यांनी घटलास्थळी भेट देऊन मयत, जखमीस सेलू उपजिल्हा रुग्णालयात नेण्यात आले.

या अपघात प्रकरणी गुन्हा दाखल करण्याची प्रक्रिया सुरू होती. दरम्यान मयत कृष्णा बचाटे यांच्या पश्चात आई वडील एक भाऊ असा परिवार आहे.