बाळासाहेब क्षीरसागर यांची भाजप राज्य परिषद सदस्य पदी निवड
भूम प्रतिनिधी :
भारतीय जनता पार्टीच्या राज्य परिषद सदस्यपदी बाळासाहेब क्षीरसागर यांची निवड झाली. या निवडीमुळे त्यांचे परंडा विधानसभा मतदारसंघातून अभिनंदन केले जात आहे. ही निवड आगामी स्थानिक स्वराज्य संस्थांच्या निवडणूकीसाठी प्रभावी ठरणार आहे .
गेल्या 35 ते 40 वर्षापासून भारतीय जनता पार्टीचे एकनिष्ठ पदाधिकारी कार्यकर्ते म्हणून कार्यरत असलेले, विविध पक्ष संघटनात्मक जबाबदारी सांभाळून परंडा मतदार संघात पक्ष बळकट करणारे आणि सध्या परंडा विधानसभा अध्यक्ष म्हणून कार्यरत असलेले बाळासाहेब महादेव क्षीरसागर यांची पक्ष श्रेष्ठींनी आज दि. ८ जूलै रोजी राज्य परिषद सदस्य पदी निवड जाहीर केली आहे.
काही दिवसावर स्थानिक स्वराज्य संस्थांच्या निवडणुका होणार आहेत. त्या दृष्टीने या निवडीमुळे स्थानिक स्वराज्य संस्था नगर पालिका, जिल्हा परिषद, पंचायत समिती, ग्रामपंचायतच्या सार्वत्रिक निवडणुकीत कार्यकर्त्यांना बळ मिळणार आहे. लवकरच त्यांचा कार्यकर्त्यांच्या वतीने पक्ष कार्यालयात मोठा सत्कारही केला जाणार आहे.
भाजपच्या राज्य परिषद सदस्य पदी बाळासाहेब क्षीरसागर यांची निवड झाल्याबद्दल तालुका अध्यक्ष संतोष सुपेकर, जिल्हा उपाध्यक्ष सुदाम पाटील, तत्कालीन अध्यक्ष महादेव वडेकर, शहर अध्यक्ष बाबासाहेब वीर, आबासाहेब मस्कर, तालुका प्रसिद्धी प्रमुख शंकर खामकर, सिद्धार्थ जाधव, विधिज्ञ संजय शाळू, चंद्रकांत गवळी, बापू बगाडे, शुभम खामकर, मारुती चोबे, महबूब शेख, प्रदीप साठे, हेमंत देशमुख, बाबुराव खरात, बन्सी काळे, आकाश शेटे, सुब्राव शिंदे, बापू नागरगोजे त्यांचे अभिनंदन केले आहे.
