सारथी महाराष्ट्राचा सावनेर तालुका प्रतिनिधी:-नरेश गें कनोज
नागपूर, शुक्रवार, २१ नोव्हेंबर २०२५
खापरखेड्यात देशी कट्टा जप्त; दोन आरोपी अटकेत
: खापरखेडा, ता. २०
अवैध अग्नीशस्त्रांची देवाणघेवाण रोखण्यासाठी खापरखेडा पोलिसांनी चालवलेल्या मोहिमेत मोठे यश मिळाले आहे. चनकापूर वस्ती परिसरात देशी कट्ट्याची खरेदी-विक्री सुरू असल्याची माहिती मिळताच पोलिसांनी तत्काळ सापळा रचून दोन आरोपींची अटक करण्यात आली त्यांच्याकडून लोखंडी सिल्व्हर रंगाचा देशी कट्टा जप्त करण्यात आला आहे. जप्त शस्त्राची अंदाजे किंमत २५ हजार रुपये इतकी असुन.
मिळालेल्या गुप्त माहितीच्या आधारे
वरिष्ठ पोलिस निरीक्षक हरीष रूमकर यांच्या मार्गदर्शनाखाली पीएसआय विलास करंगामी यांच्या पथकाने चनकापूर वस्तीमध्ये कारवाई केली. यावेळी सूरज उर्फ मुसा रमेश वरणकर यास ताब्यात घेण्यात आले. त्याच्याकडे देशी कट्टा सापडला. त्याच्याविरुद्ध गुन्हा नोंद करून त्याला अटक करण्यात आली. पीसीआर दरम्यानच्या चौकशीत सूरज वरणकरने हा कट्टा रवी उर्फ जग्गा अशोक यादव (वय २०, रा. कवडस, ता. सावनेर) याच्याकडून घेतल्याची कबुली दिली पोलीस विभागा कडून समोरील तपास सुरु आहे
