आश्रम शाळेतील मुलींची विमानाने ‘इस्रो ‘ची भरारी..
प्रतिनिधी :-दरिकांत कोळेकर.सारथी महाराष्ट्राचा न्युज.
कोल्हापूर :-जिद्ध आणि चिकाटीच्या जोरावर ग्रामीण भागातील मुलीही गगन भरारी घेऊ शकतात याची प्रचिती पुन्हा एकदा आला आहे.कोल्हापूर जिल्ह्यातील करवीर नगरींतील छत्रपती शाहू महाराजांच्या सोनतळी रजपूतवाडी येथीलभटका व विमुक्त समाज विकास मंडळ कोल्हापूर संचलित माध्यमिक आश्रम शाळा व महात्मा जोतिराव फुले कनिष्ठ महाविद्यालय रजपूरवाडी या आश्रम शाळेतील कुमारी संस्कृती संतोष वरेकर,इयत्ता 11 वी विज्ञान व रोशनी संतोष कांबळे, इयत्ता 9वी मध्ये शिकणारी या 2 मुलींची निवड झाली आहे.
महाराष्ट्र शासनाच्या इतर मागास बहुजन कल्याण विभाग मार्फत ‘ विज्ञान प्रेरणा अभियान’अंतर्गत या शैक्षणिक सहलीचे आयोजन करण्यात आले आहे. 15ते 20फेब्रुवारी या कालावधीत ही सहल होणार आहेविशेष म्हणजे अतिशय ग्रामीण भागातील व गरीब कुटुंबातून या होतकरू विद्यार्थिनीना पुणे विमानतळा वरून प्रवास करण्याची संधी मिळणार आहे.या मोहिमेत पुणे, पिपंरी-चिंचवड, बंगरूळ, त्रिवेन्द्रम, तिरुअनंतपूरम,आणि कन्याकुमारी अशा प्रमुख शहराचा समावेश असून या दरम्यान विविध वैज्ञानिक संस्थाना भेटी दिल्या जातील, यामध्ये इस्रो केंद्र,त्रिवेन्द्रम अंतराळ विज्ञानाचे थेट दर्शन,वैज्ञानिक म्युझियम, विज्ञानातीलप्रगतीचा इतिहास, विवेकानंद रॉक मेमोरियल.अंतराळ संशोधनाचे बारकावे.उपग्रहची निर्मिती आणि रॅकेट प्रक्षेपनाचे तंत्रज्ञान.प्रत्यक्ष पाहता येणार आहे.देशातील नामवंत शास्त्रज्ञशी संवाद साधण्याची संधी मिळणार आहे.यासाठी तिला सहाय्यक संचालिका. सुनीता नेर्लीकर, अधिकारी अमित घवले,संस्थेचे कार्याध्यक्ष दलित मित्र व्यंकप्पा भोसले प्रा. सुनिल भोसले.यांची प्रेरणा तर मुख्याध्यापक शिवाजी कोरवी, विज्ञान शिक्षक आनंदा वाघमोडेव सौ सुजाता सुरवसे,सर्व शिक्षक व शिक्षकेत्तर कर्मचारीयांचे सहकार्य लाभले.
