प्रेमाचा दिवस म्हणून 14 फेब्रुवारी व्हॅलेंटाईन डे साजरा…
प्रतिनिधी :-दरिकांत कोळेकर.सारथी महाराष्ट्राचा न्युज.
वृत्तसेवा:-कुरुंदवाड /फेब्रुवारी महिन्याचा दुसरा आठवडा म्हणजे प्रेम व्यक्त करण्याचा… प्रेमाचा आपुलकीचा सोहळाच असतो. हा आठवडा व्हॅलेंटाईन वीक म्हणून ओळखला जातो. १४ फेब्रुवारी रोजी शालेय, महाविद्यालयीन तरुण-तरुणींनी व नागरिकांनी आपल्या जवळच्या व्यक्तीला भेटवस्तू , गुलाब पुष्प, चॉकलेट, टेडी देऊन व्हॅलेंटाईन डे मोठ्या उत्साही वातावरणात साजरा केला.तर तरुणाईंनी मोबाईल, व्हाट्सअप, फेसबुकवर ग्रीटिंग पाठवून व्हॅलेंटाईन डेच्या शुभेच्छा दिल्या.
प्रेम एक अशी भावना जी व्यक्त होताना चेहरा खुलतो, बहरतो. तर प्रेमाची भावना व्यक्त करण्यासाठी कुठल्याही ठराविक वेळेची गरज नसते. व्हॅलेंटाईन डे हा प्रेमाचा आणि प्रणयाचा आंतरराष्ट्रीय उत्सव आहे. जो जगभरात प्रेमीयुगलाकडून एकमेकाबद्दलचे प्रेम,भक्ती आणि स्नेह साजरा केला जातो. या दिवशी प्रिय व्यक्तीला भेटवस्तू फुले आणि चॉकलेट दिले जाते. मैत्री व आपुलकी व्यक्त करण्याचा एक दिवस बनला आहे.
रोम राज्यातून व्हॅलेंटाईन डे साजरा करण्यास सुरुवात झाली होती. प्रेमाची अभिव्यक्ती करणारा हा दिवस संत व्हॅलेंटाईन यांचा बलिदान दिवस म्हणून ओळखला जातो. व्हॅलेंटाईन वीकची सुरुवात ७ फेब्रुवारी रोज डेने होते या आठवड्यामध्ये प्रपोज डे, हग डे, चॉकलेट डे, प्रॉमिस डे साजरे केले जातात. तर १४ फेब्रुवारी रोजी व्हॅलेंटाईन डे मोठ्या उत्साही वातावरणात सर्वत्र साजरा करण्यात येतो. गुलाबाच्या फुलांनी प्रेम व्यक्त करण्यापासून ते आयुष्यभरासाठी वचन देण्यापर्यंत आणि भावनिक नाते साजरे करण्यापर्यंत प्रत्येक दिवसाचे महत्त्व आहे. व्हॅलेंटाईन डे रोमँटिक प्रेम आणि कौतुकाचा वार्षिक उत्सव आहे.
दरवर्षी येणाऱ्या व्हॅलेंटाईन डे ला संस्मरणीय बनविण्यासाठी खास गिफ्टची तरुणाईकडून शोधाशोध सुरू होते. स्थानिक बाजारपेठेत गिफ्ट गॅलरी आणि मॉलमधील खरेदीला यंगस्टर्सनी प्राधान्य दिले होते. त्याच्या जोडीला ऑनलाइन बाजार ही यंगिस्तानच्या मदतीसाठी सज्ज झाली होती. खास वेबसाईट व्हॅलेंटाईनसाठी तयार करण्यात आल्या होत्या. यामध्ये आपल्या व्हॅलेंटाईनला काय गिफ्ट द्यायचे यापासून ते व्हॅलेंटाईन स्पेशल काय करू शकतो याबाबत नवीन कल्पना असे अनेक पर्याय उपलब्ध झाले होते.
शहरातील रेस्टॉरंट आणि हॉटेल्समध्ये ही लाल पांढऱ्या रंगाचे फुगे, फुले आणि पडद्यांचे आकर्षक सजावट करण्यात आली होती. काहींनी तर यंदाचा व्हॅलेंटाईन खास करण्यासाठी निसर्गरम्य परिसराची निवड केली होती. तर काहींनी कॉलेजमध्ये व्हॅलेंटाईन डे साजरा केला. यासाठी क्लासरूमही आकर्षक सजवण्यात आल्या होत्या. याशिवाय शहरात व्हॅलेंटाईनसाठी खास पार्टीचे आयोजन करण्यात आले होते.
व्हाट्सअप, फेसबुकवरही ग्रीटिंग पाठवून व्हॅलेंटाईन डेच्या शुभेच्छा देण्यात आल्या. कॉलेजमधील युवायुतीकडून व्हॅलेंटाईन डे चा माहोल सुरू झाला असल्याने गुलाब फुलापासून केक, चॉकलेट, टेडीबेअर, गिफ्ट वस्तूंच्या खरेदीसाठी गिफ्ट हाऊसेस, शॉपीमध्ये गर्दी झाली होती. आपल्या नात्यातील गोडवा अधिक दृढ निर्माण करण्याचे तसेच आपल्या प्रेमाचे प्रतीक म्हणून हृदयाच्या आकाराच्या चॉकलेटची विक्री मोठ्या प्रमाणावर झाली आहे. त्याचबरोबर हँडमेड, चॉकलेट, कँडी व केकची मागणी वाढली होती.
व्हॅलेंटाईन डे चा प्रारंभ ७ फेब्रुवारीपासून रोज डे नी झाली त्यामुळे गुलाब फुलांची मागणी वाढली होती. या गुलाब फुलांचा दर तेजीत असल्याने एका फुलाचा दर २५ ते ३० रुपये होता.
