पनवेल प्रतिनिधी | संदिप जाधव
| पनवेलः श्री शिर्डी साईबाबांच्या पादुकांचे पावन दर्शन नवी मुंबई–पनवेल परिसरात प्रथमच आयोजित करण्यात आले आहे. साई भक्तांसाठी ही एक आध्यात्मिक पर्वणी ठरणार असून १९ व २० फेब्रुवारी रोजी विविध ठिकाणी दर्शनाची व्यवस्था करण्यात आली आहे.
आयोजकांकडून मिळालेल्या माहितीनुसार, मंगळवार १८ फेब्रुवारी रोजी सकाळी ७ ते रात्री ९ वाजेपर्यंत पादुकांचे स्वागत दर्शन होणार आहे. त्यानंतर बुधवार १९ फेब्रुवारी रोजी सकाळी ८ ते रात्री ९ वाजेपर्यंत तसेच गुरुवार २० फेब्रुवारी रोजी सकाळी ६ ते सायंकाळी ६ वाजेपर्यंत दर्शनासाठी भक्तांना संधी उपलब्ध राहणार आहे.
कार्यक्रमाचे प्रमुख स्थळ श्री साई मंदिर, श्री साई नारायण ध्यान आश्रम, पनवेल येथे ठेवण्यात आले आहे. साईबाबांच्या जयंती उत्सवानिमित्त या विशेष दर्शन सोहळ्याचे आयोजन करण्यात आले असून मोठ्या संख्येने भाविक उपस्थित राहण्याची अपेक्षा आहे.
आयोजकांनी सर्व साई भक्तांनी या पवित्र सोहळ्यात सहभागी होऊन दर्शनाचा लाभ घ्यावा, असे आवाहन केले आहे. परिसरात भक्तांसाठी आवश्यक सोयी–सुविधांची व्यवस्था करण्यात आली असून कार्यक्रम शांततेत व भक्तिभावाने पार पाडण्यासाठी नियोजन केले आहे.
