कुरुंदवाड परिसरात छत्रपती शिवाजी महाराजांची जयंती मोठ्या उत्साहात संपन्न……
प्रतिनिधी :- दरीकांत कोळेकर. सारथी महाराष्ट्राचा न्यूज.
वृत्तसेवा:-कुरुंदवाड परिसरात हिंदवी स्वराज्याचे संस्थापक आणि अवघ्या महाराष्ट्राचे दैवत शिवाजी महाराजांची जयंती येथील शहरात मोठ्या जल्लोषात साजरी करण्यात आली. शिवजन्मकाळ सोहळा मिरवणुकीमुळे रस्ते शिवभक्तांनी शिवमय झाले होते. येथील शिवतीर्थावर नगराध्यक्षा सौ.मनीषा उदय डांगे यांच्या हस्ते शिवप्रतिमेला पुष्पहार घालून पूजन करण्यात आले. यावेळी जय भवानी… जय शिवाजी… छत्रपती शिवाजी महाराज की जय…. असा जयघोष करण्यात आला. येथील शहर व परिसरात शिवजयंतीचा कमालीचा उत्साह दिसून आला.
सकाळपासून चौकाचौकात शिव प्रतिमांचे, पुतळ्यांचे पूजन करण्यात आले. फुलांनी, केळीच्या पानांनी सजवलेले मंडप, भगव्या पताका, भगवे ध्वज, आकर्षक विद्युत रोषणाई करण्यात आल्यामुळे संपूर्ण शहर शिवमय झाले होते. प्रत्येक प्रभागात गल्लीबोळात ऐतिहासिक पोवाडे तसेच पुल्लिंग चेतवणारी गाणी ऐकवली जात होती. येथील नगरपालिकेच्या सभागृहात शिवाजी महाराजांच्या पुतळ्यांचे नगराध्यक्ष मनीषा उदय डांगे यांच्या हस्ते पूजन करण्यात आले यावेळी मुख्याधिकारी मनोज कुमार देसाई, श्रद्धा वळवाडे, राजेंद्र गवळी, नंदकुमार चौधरी, अजित दीपंकर, शशिकांत कडाळे, गिरीधर मधाळे आनंदा शिंदे निशिकांत ढाले, विनायक कांबळे, मोहन शिकलगार यासह अधिकारी कर्मचारी उपस्थित होते.
येथील शिवतीर्थावर येथील प्रथम लोकनियुक्त नगराध्यक्षा मनीषा उदय डांगे यांच्या हस्ते शिवप्रतिमेला पुष्पहार घालून पूजन करण्यात आले. यावेळी उपनगराध्यक्ष दीपक गायकवाड, ज्येष्ठ नगरसेवक रमेश भुजुगडे, पक्ष प्रतोद जवाहर पाटील, अक्षय आलासे, अनुप मधाळे, वैभव उगळे, तानाजी आलासे, दीपक परीट, बाळासाहेब गायकवाड, दयानंद मालवेकर, संगीता कर्नाळे, जय कडाळे, उदय डांगे यासह नगरसेवक मोठ्या संख्येने उपस्थित होते.
येथील साने गुरुजी विद्यालयात मुख्याध्यापक किरण पाटील यांच्या हस्ते शिवाजी महाराजांच्या पुतळ्याचे पूजन करून पुष्पहार अर्पण करण्यात आला यावेळी पर्यवेक्षक शरद तावदारे, शितल हळींगळे, विजय माळी या मान्यवर शिक्षक, शिक्षकेतर कर्मचारी उपस्थित होते.
येथील मराठा मंडळाच्या नवबाग रोड येथील कार्यालयात शिवजयंती मोठ्या उत्साही वातावरणात साजरी करण्यात आली तेथे शिवाजी महाराजांच्या पुतळ्याला शिवसेनेचे माजी जिल्हाप्रमुख व विद्यमान नगरसेवक वैभव उगळे यांच्या हस्ते पुष्पहार अर्पण करण्यात आला. यावेळी मिलिंद गोरे, संतोष नरके, आप्पासाहेब भोसले, आप्पासो गावडे, प्रतीक गायकवाड, युवराज गायकवाड, सागर परीट यासह शिवसैनिक मोठ्या संख्येने उपस्थित होते.
येथील सीताबाई पटवर्धन हायस्कूल मध्ये मुख्याध्यापिका विनया जाधव यांच्या हस्ते शिवप्रतिमीचे पूजन करून पुष्पहार अर्पण करण्यात आला. यावेळी पर्यवेक्षक श्रीकांत निकाळजे, ज्येष्ठ शिक्षक सदाशिव तिगणे, विश्वास पाटील, सतीश माने, बाबासाहेब भुजुगडे, राहुल जंगम, सच्चिदानंद जंगम, विजय शहापूरे, गजानन केरीपाळे, दत्तात्रय राजमाने, सुधाकर कांबळे यासह शिक्षक शिक्षकेतर कर्मचारी विद्यार्थी विद्यार्थिनी मोठ्या संख्येने उपस्थित होते.
तेरवाड रोड येथील मराठा मंडळाच्या कार्यालयात शिवजयंती मोठ्या उत्साही वातावरणात साजरी करण्यात आली. यावेळी उपनगराध्यक्ष दीपक गायकवाड व दत्तवाडचे सरकार भवानीसिंह घोरपडे यांच्या हस्ते शिवाजी महाराजांच्या पुतळ्याचे पूजन करण्यात आले .यावेळी रामचंद्र मोहिते, अजित देसाई, अजय भोसले, मराठा महासंघाचे जिल्हाध्यक्ष महिपती बाबर या मान्यवरांसह मराठा समाजाचे कार्यकर्ते मोठ्या संख्येने उपस्थित होते.
येथील दयावान तालीम येथे शिवजयंती उत्सव वातावरणात साजरी करण्यात आला. नगरसेवक अनुप मधाळे यांच्या हस्ते शिवाजी महाराजांच्या पुतळ्याला पुष्पहार अर्पण करून पूजन करण्यात आले. यावेळी रामदास माधाळे, गिरीधर मधाळे, स्वप्निल शितोळे या कार्यकर्ते मोठ्या संख्येने उपस्थित होते.
