मानवत प्रतिनिधी :- रमेश मुलगीर
महाराष्ट्राचे आराध्य दैवत रयतेचे राजे छत्रपती शिवाजी महाराज यांच्या जयंती निमित्त मानवत तालुक्यातील मौ. देवलगाव अवचार ग्रामपंचायत कार्यालयात अभिवादन कार्यक्रम आयोजित करण्यात आला. या प्रसंगी ग्रामपंचायतचे सरपंच केशवराव आवचार यांच्या हस्ते छत्रपती शिवाजी महाराज यांच्या प्रतिमेस पुष्पहार अर्पण करून अभिवादन करण्यात आले. यावेळी छत्रपती शिवाजी महाराजांच्या कार्याचा व स्वराज्य स्थापनेतील त्यांच्या पराक्रमाचा यावेळी गौरव करण्यात आला. यावेळी सरपंच केशवराव आवचार, रयत क्रांती संघटनेचे जिल्हाध्यक्ष मधुकर अवचार, मारोतराव आवचार, ग्रा.प. सदस्य पांडुरंग पवार, शिवसेनेचे शाखा प्रमुख उत्तमराव आवचार, हारीभाऊ आवचार, दगडु पवार यांच्या सह ग्रामपंचायत सदस्य व नागरिक मोठया संख्येने उपस्थित होते.
