छत्रपती शिवाजी महाराज यांची 396 वी जयंती मोठया उत्साहात संपन्न…….
प्रतिनिधी :-दरिकांत कोळेकर.सारथी महाराष्ट्राचा न्युज.
कोल्हापूर :-प्राथमिक माध्यमिक आश्रम शाळा,व महात्मा जोतिराव फुले कनिष्ठ महाविद्यालय रजपूतवाडी, ता. करवीर, जिल्हा, कोल्हापूर येथे छत्रपती शिवाजी महाराज यांची 396 वी जयंती मोठया उत्साहात संपन्न झाला.
या कार्यक्रमास प्रमुख पाहुणे म्हणून मा मानसिंगराव जाधव संचालक, (शेतकरी संघ कोल्हापूर) कार्यक्रमाचे अध्यक्ष मा दलितमित्र व्यंकाप्पा भोसले,हे होते. यांच्या शुभ हस्ते छ. शिवाजी महाराज्यांच्या प्रतिमेचे पूजन करण्यात आले.
प्रमुख पाहुणे मा. मानसिंग जाधव आपल्या मनोगतात म्हणाले की,” छत्रपती शिवाजी महाराज हे एका सरदाराचे चिरंजीव पण त्यांच्या डोक्यात स्वराज्याची कल्पना आली कशी ?हे जाणणे महत्वाचे आहे.तसेच ते सत्यात उतविणे म्हणजे त्यांचा दृढ निश्चय जाणवतो. प्रत्येक जन मी श्रीमंत कशा होता येईल याचा विचार करत असतात.त्याऐवजी चांगला नागरिक कसा बनता येईल याचा विचार केला पाहिजे. शिक्षकांनी विध्यार्थ्यांच्या मनात ध्येये निर्माण केले पाहिजे. विध्यार्थ्यांना प्रेरित केले पाहिजे.” असे म्हणाले.
या कार्यक्रमाचे अध्यक्ष मा.दलितमित्र व्यंकाप्पा भोसले (दादा ) आपल्या अध्यक्षीय भाषणात म्हणाले “छ. शिवाजी महाराज यांनी ज्या भूमिकेने स्वराज्य निर्माण केले ती प्रेरणा समता जातीभेदाचे विचार जाणा.माणूस घडला तर देश घडेल, समाज घडविण्याचा प्रयत्न आम्ही या शाळेच्या माध्यमातून करत आहोत.”
यावेळी विध्यार्थ्यांची व शाळेतील शिक्षकांचे मनोगते व्यक्त करण्यात आली.या कार्यक्रमास मा.शिवाजी कांबळे, टी. बी चौगले, प्रा. सुनिल भोसले.(संस्था कार्यवाह) मा. शिला भोसले ( संस्था, सह कार्यवाह)मा. रेखा भोसले (खजिनदार)मा शिवाजी कोरवी. माध्यमिक आश्रम शाळा मुख्याध्यापक, मा.कृष्णा पाटील. प्राथमिक आश्रम शाळा मुख्याध्यापक.इ. मान्यवर उपस्थित होते.
या कार्यक्रमाचे प्रास्ताविक स्वाती थोरात यांनी केले. कार्यक्रमाचे सूत्रसंचालन स्मिता भोपे,यांनी केले तर कार्यक्रमाचे आभार प्रदर्शन संकेत माळी यांनी केले
