मिरज दौऱ्यावर असणाऱ्या सांस्कृतिक कार्य मंत्री आशिष शेलार यांनी सांस्कृतिक कलेचा वारसा जातं करणाऱ्या ऐतिहासिक ‘इंडियन म्युझिकल शॉप’ ला भेट दिली. यावेळी इंडियन म्युझिकल चे संचालक बाळासाहेब मिरजकर आणि सतार कारागीर मोहसीन मिरजकर यांनी त्यांच्यासमोर सतार वादन सादर केले मंत्री शेलार याना सतार वादनाचा मोह यावेळी आवरला नाही त्यांनीही सितारीवर हलका हात फिरवत आपली इच्छा पूर्ण केली यावेळी त्यांनी आपल्या मनोगतामध्ये मिरजेची सतार केवळ एक वाद्य नसून, ती भारतीय संस्कृतीचा आणि १३८ वर्षांच्या अखंड परंपरेचा अनमोल ठेवा असल्याचे मत त्यांनी यावेळी व्यक्त केले. ते म्हणाले सुमारे पावणेदोनशे वर्षांपासून पिढ्यानपिढ्या जतन केलेली सतार बनवण्याची ही कला प्रत्यक्ष पाहणे, हा एक वेगळाच अनुभव माझ्यासाठी आहे . मिरजेतील जवळपास २५ दुकानांमधून हा व्यवसाय मोठ्या दिमाखात सुरू आहे. यावेळी कारागिरांशी चर्चा करून, सतार निर्मितीची प्रक्रिया आणि त्यांच्या समोरील आव्हाने प्रत्यक्ष त्यांनी यावेळी जाणून घेतली. मिरजेच्या या सांस्कृतिक ठेव्याचे जतन आणि संवर्धन करण्यासाठी सरकार कटिबद्ध असून, इथल्या कारागिरांच्या हाताला अधिक प्रतिष्ठा आणि बाजारपेठ मिळवून देण्यासाठी आम्ही निश्चितपणे प्रयत्न करू.असे आश्वासन त्यांनी यावेळी दिले. जिल्हाधिकारी अशोक काकडे माजी मंत्री आमदार डॉ सुरेश भाऊ भाजप नेते पृथ्वीराज पाटील खाडे भाजप चे जेष्ठ नेते सुरेश आवटी नगरसेवक निरंजन आवटी यांच्यासह मोठ्या प्रमाणावर कारागीर आणि नागरिक उपस्थित होते
