सांगली जिल्हा प्रतिनिधी :नितिन बदडे
मराठा मंदिराचे श्री रामराव विद्यामंदिर हायस्कूल व जुनिअर कॉलेज जत मध्ये छत्रपती शिवाजी महाराजांची जयंती मोठ्या उत्साहात साजरी करण्यात आली.
प्रशालेतील सर्व विद्यार्थी पालक शिक्षक शिक्षकेतर कर्मचारी बंधू भगिनी एकत्र येत पारंपरिक पद्धतीने हा सोहळा साजरा केला.
यावेळी छत्रपती शिवाजी महाराजांच्या प्रतिमेची पूजन मुख्याध्यापक मा. शिवाजीराव शिंदे यांचे शुभहस्ते करण्यात आले.ढोल-ताशांच्या गजरात आणि “जय भवानी, जय शिवाजी” च्या घोषणांनी परिसर दुमदुमून गेला.
कार्यक्रमात छत्रपती शिवरायांचे विचार,कार्य व त्यांचे शिकवण सर्वांप्रती पोहोचावी याकरिता विविध उपक्रमांचे आयोजन करण्यात आले.वक्तृत्व स्पर्धा, निबंध स्पर्धा, रंगभरण व वेशभूषा स्पर्धेचे आयोजन करण्यात आले. या पारंपरिक कार्यक्रमांमुळे उपस्थितांमध्ये देशभक्तीची भावना जागृत झाली.संपूर्ण कार्यक्रमाचे आयोजन व नियोजन श्री. एन. एल. बदडे सर यांनी केले.
