🔴 अधिवेशनात पुरवणी मागण्यांच्या चर्चेदरम्यान मंत्र्यांची अनुपस्थिती; आमदार बबनराव लोणीकर भडकले
“सभागृहाचा कारभार रामभरोसे चाललाय” — लोणीकरांचा उपरोधिक टोला
मुंबई | विधिमंडळाच्या विधानसभा सभागृहात सुरू असलेल्या पुरवणी मागण्यांच्या चर्चेदरम्यान संबंधित मंत्र्यांची अनुपस्थिती आढळून येताच आमदार बबनराव लोणीकर यांनी तीव्र शब्दांत नाराजी व्यक्त केली. सार्वजनिक आरोग्य व कुटुंब कल्याण, नियोजन विभाग तसेच अन्न, नागरी पुरवठा व ग्राहक संरक्षण या महत्त्वाच्या विभागांचे मंत्री आणि प्रधान सचिव चर्चेदरम्यान सभागृहात अनुपस्थित असल्याने शासनाच्या कार्यपद्धतीवर त्यांनी सवाल उपस्थित केला.
मतदारसंघाशी निगडित अत्यंत महत्त्वाचे प्रश्न मांडले जात असताना जबाबदार मंत्रीच गैरहजर राहणे ही गंभीर बाब असून, “सभागृहाचा सगळा कारभार रामभरोसे चाललाय” असा उपरोधिक टोला आमदार लोणीकर यांनी लगावला. पुरवणी मागण्या म्हणजे केवळ आकडेवारी नसून, त्या थेट सर्वसामान्य जनतेच्या मूलभूत गरजांशी संबंधित असतात. अशा वेळी संबंधित विभागांचे मंत्री व वरिष्ठ अधिकारी उपस्थित राहणे आवश्यक असल्याचे त्यांनी ठामपणे सांगितले.
परतूर विधानसभा मतदारसंघातील विविध प्रलंबित प्रश्नांकडे लक्ष वेधत आमदार लोणीकर यांनी शासनाकडे ठोस निधी मागण्या केल्या.
➡️ रास्त भाव दुकानदारांचे मार्जिन महागाई लक्षात घेता किमान ३०० रुपये प्रति क्विंटल वाढवावे, अशी मागणी त्यांनी केली.
➡️ वाटुर–जयपूर–सरकटे–वझर, तळणी–देवठाणा–उसवद–मंठा–विडोळी–पाटोदा तसेच विरेगाव–नेर–सेवली–भागडे–सावरगाव ते जिल्हा सरहद्द या प्रमुख रस्त्यांची अवस्था अत्यंत दयनीय असून, सुमारे १३० गावांतील नागरिकांना मोठा त्रास सहन करावा लागत असल्याने तातडीने मुबलक निधी द्यावा, अशी मागणी करण्यात आली.
➡️ मंठा व परतूर उपजिल्हा रुग्णालयांसाठी प्रत्येकी ५० कोटी, एकूण १०० कोटी रुपयांचा निधी तात्काळ मंजूर करून कामाला गती द्यावी, अशी स्पष्ट मागणी त्यांनी पुरवणी मागण्यांद्वारे मांडली.
मूलभूत सुविधा, आरोग्य सेवा आणि व्यापारी घटकांच्या प्रश्नांवर आमदार बबनराव लोणीकर यांनी आक्रमक भूमिका घेत शासनाचे लक्ष वेधले.🔴 अधिवेशनात पुरवणी मागण्यांच्या चर्चेदरम्यान मंत्र्यांची अनुपस्थिती; आमदार बबनराव लोणीकर भडकले
“सभागृहाचा कारभार रामभरोसे चाललाय” — लोणीकरांचा उपरोधिक टोला
मुंबई | विधिमंडळाच्या विधानसभा सभागृहात सुरू असलेल्या पुरवणी मागण्यांच्या चर्चेदरम्यान संबंधित मंत्र्यांची अनुपस्थिती आढळून येताच आमदार बबनराव लोणीकर यांनी तीव्र शब्दांत नाराजी व्यक्त केली. सार्वजनिक आरोग्य व कुटुंब कल्याण, नियोजन विभाग तसेच अन्न, नागरी पुरवठा व ग्राहक संरक्षण या महत्त्वाच्या विभागांचे मंत्री आणि प्रधान सचिव चर्चेदरम्यान सभागृहात अनुपस्थित असल्याने शासनाच्या कार्यपद्धतीवर त्यांनी सवाल उपस्थित केला.
मतदारसंघाशी निगडित अत्यंत महत्त्वाचे प्रश्न मांडले जात असताना जबाबदार मंत्रीच गैरहजर राहणे ही गंभीर बाब असून, “सभागृहाचा सगळा कारभार रामभरोसे चाललाय” असा उपरोधिक टोला आमदार लोणीकर यांनी लगावला. पुरवणी मागण्या म्हणजे केवळ आकडेवारी नसून, त्या थेट सर्वसामान्य जनतेच्या मूलभूत गरजांशी संबंधित असतात. अशा वेळी संबंधित विभागांचे मंत्री व वरिष्ठ अधिकारी उपस्थित राहणे आवश्यक असल्याचे त्यांनी ठामपणे सांगितले.
परतूर विधानसभा मतदारसंघातील विविध प्रलंबित प्रश्नांकडे लक्ष वेधत आमदार लोणीकर यांनी शासनाकडे ठोस निधी मागण्या केल्या.
➡️ रास्त भाव दुकानदारांचे मार्जिन महागाई लक्षात घेता किमान ३०० रुपये प्रति क्विंटल वाढवावे, अशी मागणी त्यांनी केली.
➡️ वाटुर–जयपूर–सरकटे–वझर, तळणी–देवठाणा–उसवद–मंठा–विडोळी–पाटोदा तसेच विरेगाव–नेर–सेवली–भागडे–सावरगाव ते जिल्हा सरहद्द या प्रमुख रस्त्यांची अवस्था अत्यंत दयनीय असून, सुमारे १३० गावांतील नागरिकांना मोठा त्रास सहन करावा लागत असल्याने तातडीने मुबलक निधी द्यावा, अशी मागणी करण्यात आली.
➡️ मंठा व परतूर उपजिल्हा रुग्णालयांसाठी प्रत्येकी ५० कोटी, एकूण १०० कोटी रुपयांचा निधी तात्काळ मंजूर करून कामाला गती द्यावी, अशी स्पष्ट मागणी त्यांनी पुरवणी मागण्यांद्वारे मांडली.
मूलभूत सुविधा, आरोग्य सेवा आणि व्यापारी घटकांच्या प्रश्नांवर आमदार बबनराव लोणीकर यांनी आक्रमक भूमिका घेत शासनाचे लक्ष वेधले.
