[मोईज सेठ कन्स्ट्रक्शनतर्फे आयोजित ‘दावत-ए-इफ्तार’ सोहळ्यात उमटला सामाजिक सलोख्याचा सूर]
[धर्माबाद] : जिल्हा प्रतिनिधी शाहिद पटेल
पवित्र रमजान महिन्याचे औचित्य साधून मोईज सेठ कन्स्ट्रक्शन यांच्या वतीने काल अतिशय उत्साहात आणि भव्य स्वरूपात मस्जिद ए बिलाल मोंढा येथे’दावत-ए-इफ्तार’ चे आयोजन करण्यात आले होते. _। “हाथों में दुआएं और लबों पे इबादत का नूर था, मोईज सेठ की दावत में हर शख्स मसरूर था”| या ओळींप्रमाणे या सोहळ्यात सर्वधर्मीय बांधवांनी एकत्र येत एकात्मतेचे दर्शन घडवले.
∆राजकीय आणि सामाजिक क्षेत्रातील दिग्गजांची उपस्थिती
या इफ्तार पार्टीला शहरासह परिसरातील अनेक राजकीय नेते, प्रशासकीय अधिकारी, व्यावसायिक आणि सामाजिक कार्यकर्त्यांनी मोठ्या संख्येने हजेरी लावली होती. मोईज सेठ यांनी स्वतः सर्व पाहुण्यांचे स्वागत करून रमजानच्या शुभेच्छा दिल्या. केवळ मुस्लिम बांधवच नव्हे, तर हिंदू, शीख आणि ख्रिश्चन बांधवांनीही या मेजवानीचा आनंद घेत भारतीय संस्कृतीचा ‘गंगा-जमुनी तहजीब’ वारसा अधोरेखित केला.
∆इबादत आणि दुवा
संध्याकाळी मग़रिबच्या अजाननंतर सर्व रोजेदारांनी खजूर आणि सरबत घेऊन आपला रोजा सोडला.यावेळी देशात शांतता, समृद्धी आणि बंधुभाव टिकून राहावा, यासाठी विशेष दुवा मागण्यात आली.मोईज सेठ कन्स्ट्रक्शनच्या वतीने करण्यात आलेली व्यवस्था आणि पाहुणचार पाहून उपस्थितांनी त्यांचे विशेष कौतुक केले.
∆मोईज सेठ यांचे मनोगत
याप्रसंगी बोलताना मोईज सेठ म्हणाले की, “रमजानचा महिना आपल्याला संयम, त्याग आणि एकमेकांना मदत करण्याची शिकवण देतो. अशा कार्यक्रमांच्या माध्यमातून समाजात प्रेम आणि विश्वास वाढतो. आज सर्वधर्मीय बांधव एकाच दस्तारख्वानवर बसून इफ्तार करत आहेत, हेच आपल्या देशाचे खरे सौंदर्य आहे.
“रात्री उशिरापर्यंत चाललेल्या या सोहळ्याने परिसरात एक वेगळीच चैतन्यमय ऊर्जा निर्माण केली होती.
