🏥✨ आजरा ग्रामीण रुग्णालयाला वंदनीय बाळासाहेब ठाकरे ‘आरोग्य रत्न पुरस्कार’ ✨🏥

मच्छिगट्टा परिसरात जिओ इंटरनेट सेवा ठप्प; ग्राहक त्रस्त

जळक गावच्या सुपीकला वाघमारे यांची पोलिस दलात कॉन्स्टेबलपदी निवड; प्रतिकूल परिस्थितीवर मात करत यश

वृक्षवल्ली आम्हा सोयरे! आयएएस तुकाराम मुंढे यांचा पर्यावरणपूरक आदर्श; आईच्या अस्थींवर ‘स्मृती वृक्ष’ रोपण

आजरा | प्रतिनिधी
सार्वजनिक आरोग्य विभाग, महाराष्ट्र शासन यांच्यातर्फे दिला जाणारा वंदनीय बाळासाहेब ठाकरे आरोग्य रत्न पुरस्कार यावर्षी ग्रामीण रुग्णालय, आजरा यांना जाहीर झाला आहे.
दि. २२ फेब्रुवारी २०२६ रोजी यशवंतराव चव्हाण सेंटर, मुंबई येथे पार पडलेल्या भव्य समारंभात माननीय आरोग्य मंत्री प्रकाश रावजी आबिटकर यांच्या हस्ते ग्रामीण रुग्णालयाचे प्रमुख वैद्यकीय अधीक्षक डॉ. अमोल पाटील यांना हा सन्मान प्रदान करण्यात आला.
हा पुरस्कार बाळासाहेब ठाकरे यांच्या स्मृतिप्रीत्यर्थ दिला जातो. पुरस्कारासाठी रुग्णालयाचे एकूण गुणात्मक व धोरणात्मक कामकाज तपासण्यात आले.
यामध्ये DHIS-2 व HMIS संकेतस्थळावरील एप्रिल २०२५ ते जानेवारी २०२६ या कालावधीतील रिपोर्टिंगच्या आधारे सर्व ग्रामीण रुग्णालयांना गुण देण्यात आले.
तसेच बाह्य रुग्ण विभाग, आंतररुग्ण विभाग, BOR, स्वाभाविक प्रसूती, सिझेरियन प्रसूती, राष्ट्रीय बाल स्वास्थ्य कार्यक्रमांतर्गत शस्त्रक्रिया शिबिरे, इतर शस्त्रक्रिया, स्वच्छता, NCD क्लिनिक, तसेच MJPJAY योजनेंतील कामकाज यांचा समावेश मूल्यमापनात करण्यात आला.
या सर्व निकषांमध्ये कोल्हापूर जिल्ह्यातील ग्रामीण रुग्णालयांच्या श्रेणीत ग्रामीण रुग्णालय, आजरा यांनी सर्वाधिक गुण मिळवत प्रथम क्रमांक पटकावला, अशी माहिती डॉ. अमोल पाटील यांनी दिली.
अतिशय दुर्गम भागात कार्यरत राहून, नैसर्गिक अडचणींवर मात करत उत्कृष्ट आरोग्यसेवा पुरवल्याबद्दल हा पुरस्कार मिळाल्याने ग्रामीण रुग्णालय आजरा येथील सर्व अधिकारी व कर्मचारी यांचे सर्व स्तरातून कौतुक व अभिनंदन होत आहे.