एम.एस.जी.एस. इंग्लिश मिडियम स्कूलमध्ये ‘राष्ट्रीय विज्ञान दिन’ उत्साहात साजरा
अंदरसूल येथील मातोश्री शांताबाई गोविंदराव सोनवणे इंग्लिश मिडियम स्कूलमध्ये २८ फेब्रुवारी रोजी ‘राष्ट्रीय विज्ञान दिन’ मोठ्या उत्साहात आणि चैतन्यमय वातावरणात साजरा करण्यात आला. थोर भारतीय शास्त्रज्ञ डॉ.सी.व्ही. रमण यांच्या कार्याचे स्मरण करत विद्यार्थ्यांमध्ये वैज्ञानिक दृष्टिकोन रुजावा, या उद्देशाने या कार्यक्रमाचे आयोजन करण्यात आले होते.
कार्यक्रमाच्या अध्यक्षस्थानी शिक्षक अमोल आहेर हे होते. दीपप्रज्वलन आणि प्रतिमा पूजनाने व सहकार महर्षी स्व.गोविंदराव (नाना) सोनवणे यांच्या पुतळ्याला पुष्पमाला अर्पण करून कार्यक्रमाची सुरुवात करण्यात आली. शिक्षिका पुजा जाधव यांनी कार्यक्रमाची प्रस्तावना मांडली. त्यांनी विज्ञान दिनाचे महत्त्व आणि आजच्या युगात विज्ञानाची असलेली गरज यावर प्रकाश टाकला.
विज्ञानातील विविध प्रयोग आणि शोधांवर विद्यार्थ्यांनी आपले विचार व्यक्त केले. यामध्ये स्नेहल सोमासे, शौर्या साळुंके, मोहम्मद अली खान आणि आयुष राऊत या विद्यार्थ्यांनी प्रभावी भाषणे दिली. विद्यार्थ्यांनी आपल्या भाषणातून विज्ञानातील गंमत आणि दैनंदिन जीवनातील विज्ञानाचा वापर अतिशय सोप्या भाषेत समजावून सांगितला.
विद्यार्थ्यांसोबतच शिक्षकांनीही विज्ञानाशी संबंधित विविध विषयांवर मार्गदर्शन केले. यामध्ये धनश्री काळंगे, अजीम पटेल, पुनम जमधडे, वैष्णवी चव्हाण, दीपक खैरनार, प्रियंका कहार आणि संस्कृती थोरे यांनी विज्ञानातील प्रगती आणि भविष्यातील संधी यावर आपले विचार मांडले.
शाळेचे प्रिन्सिपल अल्ताफ खान यांनी विद्यार्थ्यांना संबोधित करताना सांगितले की, “केवळ पुस्तकी ज्ञान न घेता विद्यार्थ्यांनी विज्ञानाचा अनुभव घेऊन प्रयोगशील बनावे.” अध्यक्षीय भाषणात अमोल आहेर यांनी दैनंदिन जीवनात विज्ञान किती आवश्यक आहे यावर भाष्य केले.
याप्रसंगी शिक्षक अजहर खतीब, गणेश सोनवणे, सचिन घोडके, राजेश कांबळे, माधुरी माळी, अर्चना एंडाईत, निलिमा देशमुख, शर्मिला पवार, सुनिता वडे, पूजा जाधव यासह सर्व शिक्षक – शिक्षिका व विद्यार्थी उपस्थित होते.
कार्यक्रमाचे सूत्रसंचालन शिक्षिका शोभा निकम यांनी तर आभार प्रदर्शन आरती राजपूत यांनी केले.
