कवी आपल्या भेटीला उपक्रम न्यू इंग्लिश स्कूल शेडशाळ येथे संपन्न….
.प्रतिनिधी :-दरिकांत कोळेकर सारथी महाराष्ट्राचा न्युज.
शेडशाळ :-न्यू इंग्लिश स्कूल शेडशाळ येथे कवी आपल्या भेटीला हा उपक्रम मराठी राजभाषा गौरव दिन सप्ताह अंतर्गत घेण्यात आला.
यावेळी इचलकरंजी येथील प्रसिद्ध कवी दस्तगीर हुसेन नदाफ यांचा कार्यक्रम घेण्यात आला. सुरुवातीला मुख्याध्यापिका श्रीमती माणिक नागावे यांच्या हस्ते करी दस्तगीर नदाफ यांचा स्वागत व सत्कार करण्यात आला. कवी नदाफ यांनी आपल्या मार्गदर्शनपर भाषणातून विद्यार्थ्यांना, आई-वडील व गुरुजनांचा आदर राखला पाहिजे व आपल्या देशाबद्दल आणि पर्यावरणाबद्दल आपल्या मनामध्ये अभिमान असला पाहिजे
तसेच त्यांचे संवर्धन आपण केले पाहिजे असे सांगून आपल्या खडतर जीवनाचा प्रवास विद्यार्थ्यांना सांगून कितीही अडचणी आल्या तरी त्यांना आपण तोंड देऊन सक्षमपणे पुढे गेलो तर आपण जीवनात नक्कीच यशस्वी होऊ असे सांगितले. त्याचबरोबर त्यांनी सुस्वर कविता गायन विद्यार्थ्यांच्या समोर केले व विद्यार्थ्यांची दाद मिळवली.
त्यांच्या कविता गाव माझा हुंदाडताना, ढोल- ढोल वाजवा की ढोल, शिवाजी महाराज, पर्यावरणावरील व आई वरील कविता विद्यार्थ्यांना अतिशय भावल्या.
कार्यक्रमाचे सूत्रसंचालन साहेब शिक्षक श्री. रियाज जमादार यांनी केले तर आभार प्रदर्शन श्री. सत्यजित पाटील यांनी केले.यावेळी विद्यालयातील सर्व शिक्षक शिक्षकेतर कर्मचारी व विद्यार्थी हजर होते.
