🔵🔬 आजरा महाविद्यालयात राष्ट्रीय विज्ञान दिनानिमित्त विविध उपक्रमांची रंगतदार मालिका 🔬🔵

📍 आजरा : आजरा महाविद्यालय येथे विज्ञान व पर्यावरण मंडळ विभागामार्फत २८ फेब्रुवारी रोजी राष्ट्रीय विज्ञान दिन मोठ्या उत्साहात साजरा करण्यात आला. यावर्षीच्या राष्ट्रीय विज्ञान दिन २०२६ च्या “विज्ञानातील महिला: विकसित भारत उत्प्रेरक” या थीमनुसार विविध कार्यक्रमांचे आयोजन करण्यात आले.
🟢 महिला वैज्ञानिकांवर भित्तीपत्रिकेचे उद्घाटन
ज्युनिअर विभागातील अकरावी विज्ञान विद्यार्थ्यांनी विज्ञान क्षेत्रातील जागतिक व भारतीय महिला वैज्ञानिकांच्या कार्यावर आधारित भित्तीपत्रिका तयार केली. या भित्तीपत्रिकेचे उद्घाटन आजरा हायस्कूलच्या विज्ञान शिक्षिका सौ. हेमलता कामत व प्राचार्य डॉ. अशोक सादळे यांच्या हस्ते करण्यात आले.
🟡 प्रेरणादायी व्याख्यान
सौ. हेमलता कामत यांनी विद्यार्थ्यांना मार्गदर्शन करताना सांगितले की, विज्ञान क्षेत्रात जागतिक स्तरावर अनेक पुरुष व महिला वैज्ञानिकांनी अनन्यसाधारण योगदान दिले आहे. भारतातील कमल रणदिवे, दर्शन रंगनाथन, जानकी अम्मल, सुनीता नारायण यांसारख्या महिला वैज्ञानिकांनी विशेष योगदान दिले आहे. विद्यार्थिनींनी विज्ञान दृष्टिकोन ठेवून करिअरची दिशा निवडून विकसित भारतासाठी उत्प्रेरक बनावे, असे त्यांनी आवाहन केले.
🔬 अकरावी विज्ञान शाखेतील विद्यार्थ्यांनी विविध प्रयोगांचे प्रत्यक्ष सादरीकरण करून उपस्थितांची दाद मिळवली.
🔵 अंधश्रद्धा आणि विज्ञान विषयावर मार्गदर्शन
वरिष्ठ विज्ञान व पर्यावरण मंडळ विभागामार्फत अंधश्रद्धा निर्मूलन समितीच्या राज्य कार्यकारिणी सदस्या रेश्मा खाडे यांचे “अंधश्रद्धा आणि विज्ञान” या विषयावर व्याख्यान आयोजित करण्यात आले. विज्ञान हे सत्य, चिकित्सक दृष्टिकोन, निरीक्षण, तर्क व प्रयोग यावर आधारित असून समाजातील चुकीच्या रूढी-परंपरांमुळे अंधश्रद्धा वाढीस लागते, असे त्यांनी स्पष्ट केले. विद्यार्थ्यांनी अंधश्रद्धेला बळी न पडता विज्ञानाची कास धरावी, असे आवाहन त्यांनी केले.

🟢 बांबू हस्तकला प्रशिक्षण कार्यशाळा
वनस्पतीशास्त्र व पर्यावरण शास्त्र विभागामार्फत एकदिवसीय विशेष कार्यशाळेत “Bamboo Handicraft Training” आयोजित करण्यात आले. गडिंग्लज-आजरा-चंदगड क्लस्टरमधील आठ महाविद्यालयांतील विद्यार्थी तसेच २२ महिला बचत गट सदस्यांसह एकूण १२३ हून अधिक प्रशिक्षणार्थींनी सहभाग घेतला.
यावेळी बांबू पेन स्टँड, प्लांटर, लॅम्प, स्पीकर व चटई तयार करण्यात आल्या.
🟣 इतर स्पर्धा व उपक्रम
विज्ञान व पर्यावरण मंडळामार्फत निबंध स्पर्धा,
फिजिक्स विभागामार्फत प्रश्नमंजुषा,
कॉम्प्युटर सायन्स विभागामार्फत भित्तीपत्रिका,
गणित विभागामार्फत रील्स स्पर्धा,
संख्याशास्त्र विभागामार्फत गटचर्चा,
प्राणीशास्त्र विभागामार्फत रक्त HB तपासणी शिबिर,
रसायनशास्त्र विभागामार्फत पोस्टर प्रदर्शन असे विविध उपक्रम राबविण्यात आले.
🔶 या सर्व कार्यक्रमांना प्राचार्य डॉ. अशोक सादळे यांच्या अध्यक्षतेखाली उपप्राचार्य प्रा. दिलीप संकपाळ, पर्यवेक्षक प्रा. मनोजकुमार पाटील, कार्यालयीन अधीक्षक श्री. योगेश पाटील, पर्यावरण शास्त्र विभाग प्रमुख प्रा. मल्लिकार्जुन शिंत्रे तसेच सर्व शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते.
✨ विज्ञानप्रेमी वातावरणात पार पडलेल्या या कार्यक्रमांना उत्स्फूर्त प्रतिसाद लाभला. ✨