हिंदवी स्वराज्याचा जागर : आर्णीत शिवजयंतीनिमित्त भव्य व्याख्यान

आर्णी प्रतिनिधी :-

महेश बांते 9175570066

हिंदवी स्वराज्याचे संस्थापक छत्रपती शिवाजी महाराज यांच्या जयंतीनिमित्त आर्णी येथे भव्य कार्यक्रमाचे आयोजन करण्यात आले आहे. हा कार्यक्रम श्री शिवप्रतिष्ठान हिंदुस्थान आर्णी विभागाच्या वतीने आयोजित करण्यात आला आहे.

शुक्रवार, ६ मार्च रोजी सायंकाळी ६ वाजता श्री म. द. भारती विद्यालय मैदान, श्री शिवनेरी चौक, आर्णी येथे हा कार्यक्रम होणार आहे. या प्रसंगी प्रख्यात वक्ते सचिन तात्यापाटील (पुणे) यांचे विशेष व्याख्यान आयोजित करण्यात आले आहे.

या व्याख्यानातून छत्रपती शिवाजी महाराजांचा पराक्रम, हिंदवी स्वराज्याची संकल्पना आणि हिंदू समाजासाठी दिलेला प्रेरणादायी संदेश यावर सविस्तर मार्गदर्शन केले जाणार आहे. कार्यक्रमास आर्णी शहर व परिसरातील शिवप्रेमी, युवक आणि नागरिकांनी मोठ्या संख्येने उपस्थित राहावे, असे आवाहन आयोजकांनी केले आहे.