वैजापूर प्रतिनिधी :
वैजापूर तालुक्यातील धोंदलगाव येथील ज्येष्ठ वैद्यकीय तज्ज्ञ डॉ. बबनराव (नाना) साळे यांना ग्रामीण भागात तब्बल ५२ वर्षे दिलेल्या उल्लेखनीय वैद्यकीय सेवेबद्दल ‘देवगिरी वैजापूर तालुका भूषण’ पुरस्कार जाहीर करण्यात आला आहे. महाराष्ट्रातील अग्रगण्य देवगिरी नागरी सहकारी बँकेच्या वतीने त्यांच्या या सेवेचा गौरव करण्यात येणार आहे.
ग्रामीण भागातील गरजू व आर्थिकदृष्ट्या दुर्बल रुग्णांना त्यांनी अनेक वर्षे निस्वार्थपणे वैद्यकीय सेवा दिली आहे. त्यांच्या या कार्याची दखल घेत बँकेच्या वतीने हा सन्मान जाहीर करण्यात आला आहे.
या पुरस्कार सोहळ्याचे आयोजन शनिवार, दि. ७ मार्च २०२६ रोजी सायंकाळी ५ वाजता करण्यात आले असून या कार्यक्रमास तालुक्यातील अनेक मान्यवर व विविध क्षेत्रातील प्रतिष्ठित व्यक्ती उपस्थित राहणार आहेत.
या सोहळ्यास नागरिकांनी मोठ्या संख्येने उपस्थित राहावे, असे आवाहन सौ. सीमा विपिन साळे व श्री. विपिन बबनराव साळे (धोंदलगाव) यांनी केले आहे.
याबाबत भावना व्यक्त करताना डॉ. बबनराव साळे यांनी सांगितले की, “हा पुरस्कार सोहळा माझ्या आयुष्यातील कार्याचा खरा जीवनगौरव आहे.” त्यांच्या या सन्मानाबद्दल तालुक्यातून त्यांचे अभिनंदन करण्यात येत आहे.
