लिफ्ट लावण्याची सोशल मीडिया प्रमुख विजय लाड यांची मागणी
नितेश गट्टीवार चामोर्शी(गडचिरोली):दि.६ मार्च गडचिरोली जिल्हा परिषद कार्यालयात पहिल्या तळ मजल्यावर रॅम्प असून वरच्या मजल्यावर जाण्यासाठी लिफ्ट नसल्याने दिव्यांग बांधवांना चढ उतार करण्यासाठी मोठी कसरत करावी लागत असून या गंभीर समस्येची दखल घ्यावी अशी मागणी काँग्रेसचे सोशल मीडिया प्रमुख विजय लाड यांनी केली आहे. जिल्हा परिषद कार्यालयात दीव्यांग कक्ष आहे यात पुरेशा सुविधा दिव्यांग बांधवांसाठी नाही किंवा कार्यालयातील कोणताही कर्मचारी दिव्यांग बांधवांना चढ उतार करण्यासाठी मदत करीत नाही अशा परिस्थितीत बरेचसे दिव्यांग बांधव वॉकर येऊन पायऱ्या चढत असताना कधी तोल जाऊन पडल्याची उदाहरणे आहेत.शासनाकडून दिव्यांग बांधवांना सुविधांचा लाभ मिळावा यासाठी कागदपत्रे तयार करण्यासाठी व अर्ज करण्यासाठी दररोज कित्येक दिव्यांग बांधव जिल्हा परिषद कार्यालयात येत असतात मात्र त्यांना मोठ्या कसर्तीचा सामना करीत वरच्या मजल्यावर चढावे लागते.वरिष्ठ अधिकारी वरच्या मजल्यावर असल्याने त्याचेशी कागदपत्रांबाबत कामे पडत असतात.५ मार्च रोजी एक दिव्यांग बांधव वॉकर घेऊन चढत असताना त्याला थांबत थांबत वरच्या मजल्यावर जावे लागले अशी परिस्थिती दररोज पहायला मिळत असते.किमान दिव्यांग बांधवांच्या सोयीसाठी लिफ्ट लावल्यास होणाऱ्या गैरसोयीपासून दिव्यांग बांधवांना दिलासा मिळेल अशी अपेक्षा काही दिव्यांग बांधवांनी व्यक्त करीत ही समस्या मांडली लागलीच याची दखल घेत काँग्रेसचे सोशल मीडिया प्रमुख विजय लाड यांनी मागणी केली आहे.
