जागतिक महिला दिनानिमित्त किशोरवयीन विध्यार्थिनींना आरोग्य विषयक मार्गदर्शन…..
प्रतिनिधी :-दरिकांत कोळेकर, सारथी महाराष्ट्राचा न्युज.
कुरुंदवाड :-जागतिक महिला दिनाच्या पार्श्वभूमीवर न्यू इंग्लिश स्कूल शेडशाळ येथे आरोग्य विषयक कार्यक्रम घेण्यात आला.न्यू इंग्लिश स्कूल शेडशाळ येथे विद्यार्थिनींच्या आरोग्यासाठी कळी उमलताना या विषयावर डॉक्टर भाग्यश्री अजिंक्य बाबर यांचे मार्गदर्शन झाले. विद्यालयाच्या मुख्याध्यापिका श्रीमती माणिक नागावे यांच्या हस्ते डॉक्टरांचा सत्कार करण्यात आला. पाहुण्यांची ओळख सहाय्यक शिक्षिका धनश्री पवार यांनी करून दिली.
आपल्या मार्गदर्शन पर व्याख्यानात डॉक्टर बाबर म्हणाल्या की, ” स्त्रीच्या आयुष्यातील सर्वात महत्त्वाची व नाजुक गोष्ट म्हणजे मासिक पाळी. ही मासिक पाळी यायच्या आधी, आल्यानंतर कोणती काळजी घ्यावयाची व या संदर्भात काही समस्या उद्भवल्यास त्यावर उपाय कोणते ” याची सविस्तर माहिती विद्यार्थिनींना देण्यात आली. त्यानंतर विद्यार्थिनींच्या शंकांचे समाधान करण्यात आले.
या कार्यक्रमाचे आभार सहाय्यक शिक्षिका सौ. पद्मावती घाट यांनी मानले यावेळी शिक्षिका वैशाली टारे व सर्व विद्यार्थिनी हजर होत्या.
