सोलापूर जिल्हा प्रतिनिधी
दिनांक – ०८.०३.२०२६
जिल्हा परिषद प्राथमिक शाळा शिंदेवाडी येथे ६ मार्च रोजी जागतिक महिला दिन उत्साहात साजरा करण्यात आला.
जागतिक महिला दिना निमित्त ” स्त्री शक्तीचा सन्मान कर्तृत्वाचाअभिमान” या अंतर्गत महिला सक्षमीकरण सप्ताह शाळेत २ मार्च ते ८ मार्च या कालावधीत साजरा करण्यात येत आहे .
जागतिक महिला दिनानिमित्त शाळेत आयोजित कार्यक्रमाची सुरुवात सावित्रीबाई फुले यांच्या प्रतिमेला प्रमुख पाहुणे यांच्या हस्ते माढा कोर्ट मधील अॅड. सौ.रत्नप्रभा जगदाळे व नामवंत डॉक्टर सौ उमा पाटील यांच्या हस्ते पुष्पहार अर्पण करून कार्यक्रमाची सुरुवात झाली. याप्रसंगी ‘लिंग समानता’ (Gender Equality) आणि ‘स्त्री शक्ती’ या विषयावर विशेष मार्गदर्शन करण्यात आले. यावेळी समाजातील सर्व क्षेत्रात काम करणाऱ्या महिलांच्या कर्तृत्वाचा सन्मान करण्यात आला आणि महिला सक्षमीकरणाचा संदेश देण्यात आला.
जिल्हा परिषद प्राथमिक शाळा व ग्रामपंचायत यांच्या संयुक्त विद्यमाने कायदेविषयक व आरोग्यविषयक मार्गदर्शन व्याख्यान , महिलांसाठी विविध स्पर्धा आयोजीत करण्यात आल्या होत्या . प्रमुख पाहुणे माढा कोर्ट मधील ॲड . सौ.रत्नप्रभा जगदाळे यांनी महिला हक्क व कायदे विषयी माहिती खूप छान सांगितली .नामवंत डॉक्टर सौ . उमा पाटील मॅडम यांनी महिलांना खूप छान आरोग्यविषयक मार्गदर्शन केले .
महिला स्वागत गीत वत्सला शिंदे यांनी खूपच सुंदर सादर केले .यावेळी ग्रामसेवक मनिषा शेंडेकर , माजी सरपंच (प्रशासक ) मंदाकिनी शिंदे , माजी ग्रामपंचायत सदस्या वत्सला शिंदे , बचत गट अध्यक्ष , सदस्या , शिक्षिका , अंगणवाडी सेविका , मदतनीस , आशा वर्कर तसेच गावातील सर्व महिला उपस्थित होत्या
कार्यक्रमाच्या उत्तरार्धात विविध स्पर्धा आयोजित करण्यात आल्या होत्या, ज्यामध्ये माता-पालकांनी आणि विद्यार्थिनींनी मोठ्या उत्साहाने सहभाग घेतला. कार्यक्रमाच्या शेवटी शाळेतील
श्रीम . वृषाली रामहरी वहिल मॅडम यांनी सर्वांचे आभार मानले आणि महिलांना शुभेच्छा दिल्या आणि महिलांच्या सन्मानासाठी सर्वांनी एकत्रितपणे प्रयत्न करण्याचे आवाहन केले. हा दिवस महिलांच्या प्रगतीचा उत्सव साजरा करणारा आणि त्यांना प्रेरणा देणारा ठरला.
