सोलापूर जिल्हा प्रतिनिधी
दिनांक – ०९.०३.२०२६
८ मार्च २०२६ रोजी जागतिक महिला दिन साजरा केला जातो त्याच्या अनुषंगाने मा. सौ. सोनाली मनोज (मुन्ना) साठे यांच्या संकल्पनेतून खेळ पैठणीचा कार्यक्रम आयोजन करण्यात आले होता.
दारफळ (सीना) येथील श्री रोकडोबा मंदिर येथे सायंकाळी सात वाजता कार्यक्रम आयोजन करण्यात आले. यावेळी माढा नुतन पंचायत समिती सदस्य मा. सौ सोनाली मनोज साठे तसेच डॉ उमा सुभाष पाटील तसेच सौ. दिपालीताई राऊत तसेच प्रमुख पाहुणे आणि गावातील मानेवराच्या हस्ते राजमाता जिजाऊ याच्या प्रतिमेचे पूजन करू खेळ पैठणीचा कार्यक्रम सुरू करण्यात आली.
जागतिक महिला दिन निमित्ताने विविध क्षेत्रातील मान्यवर उपस्थित महिलाचा सत्कार करण्यात आला. त्यानंतर मान्यवर.डॉ. उमा सुभाष पाटील यांनी आपल्या मनोगतामधुन महिला जीवन जगत असता विविध आजार, आरोग्य आणि अहार, आपली जीवनशैली अशा वेगवेगळ्या विषयांवर आपले बहुमोल्य मार्गदर्शन केले.
नुतन पंचायत समिती सदस्य मा सौ. सोनाली मनोज साठे यांनी आपले मनोगतामधुन आज आपला पहिल्यांदा कार्यक्रम आयोजित केला आहे आणि यापुढेही असेच महिला साठी विविध कार्यक्रम आयोजित केला जाणार आहेत असा शब्द महिला वर्गाला दिला.
या कार्यक्रमाचे मुख्य आकर्षण म्हणजे होम मिनिस्टर फेम महाराष्ट्राच्या सुप्रसिद्ध निवेदिका मा. सौ. दिपालीताई शत्रुघ्न गायकवाड – राऊत यांच्या उपस्थिती होय
दिपालीताईनी आपल्या खास विनोदी, धमाल आणि उत्स्फूर्त शैलीत महिलांना गमतीदार खेळ, डान्स, मस्ती आणि विविध मनोरंजन उपक्रमांमध्ये सहभागी करून घेतले. त्यांच्या भन्नाट निवेदनामुळे संपूर्ण कार्यक्रमात हास्याची बरसात झाली आणि उपस्थित महिलांनी कार्यक्रमाचा मनमुराद आनंद घेतला.
सौ. दिपालीताई राऊत मॅडम यांनी त्याच्या शैलीत खेळ पैठणीचा आयोजित या कार्यक्रमात, ‘तळ्यात मळ्यात’, ‘गाणी आणि नृत्य’, ‘वेगवेगळे उखाणे’ असे अनेक मनोरंजक खेळ घेण्यात आले.
दारफळ आणि निमगाव तसेच आसपासच्या परिसरात सर्वच महिलांनी चांगला प्रतिसाद मोठ्या संख्येने उपस्थित राहावे
कार्यक्रमाचा आस्वाद घेतला.
महिलांनी पारंपरिक वेशभूषेत सहभागी होऊन हा सोहळा संस्मरणीय केला.
प्रमुख आकर्षण: पैठणी जिंकण्याची चुरस आणि वहिनींचे मजेदार उखाणे.
महिलांसाठी आयोजित ‘खेळ पैठणीचा’ कार्यक्रम सांस्कृतिक उत्साह आणि मैत्रीपूर्ण स्पर्धेत रंगला. या कार्यक्रमात शेकडो महिलांनी विविध मनोरंजक खेळ व उखाणे स्पर्धेत भाग घेत पैठणी जिंकण्यासाठी चुरस निर्माण केली.
मा. मुन्ना (आण्णा) साठे मित्र परिवार माढा तालुका याच्या वतीने खेळ पैठणीचा कार्यक्रमाला आलेल्या सर्व मान्यवर तसेच महिला भगिनी आणि गावकरी याना जेवणाची व्यवस्था करण्यात आली होती.
कार्यक्रमाच्या शेवटी, उत्कृष्ठ खेळ आणि नशिबाची साथ लाभलेल्या विजेत्या महिलांना सन्मानचिन्ह म्हणून अस्सल पैठणी साड्या देऊन गौरवण्यात आले. या कार्यक्रमामुळे महिलांना दैनंदिन जीवनातून विरंगुळा मिळाला असून, सर्वच स्तरांतून कौतुक होत आहे.
महिलांच्या उत्स्फूर्त सहभागामुळे कार्यक्रम अतिशय रंगतदार आणि संस्मरणीय ठरला.
