जि प प्रा केंद्रशाळा सापटणे (भो) येथे जागतिक महिला दिनानिमित्त महिला सक्षमीकरण सप्ताह साजरा

सोलापूर जिल्हा प्रतिनिधी
दिनांक – ०६-०३-२०२६

दिनांक ०६ मार्च .२०२६ रोजी जिल्हा परिषद प्राथमिक केंद्र शाळा सापटणे(भोसे) येथे माढा तालुका पंचायत समितीच्या सदस्या सौ. स्वातीताई हनुमंत गिड्डे यांच्या शुभ हस्ते व उपसरपंच सौ . रोहिणीताई राऊत , सौ . शोभा राऊत , सौ. दिपाली गिड्डे सौ. रंजना गोरे सौ रेश्मा गिड्डे व पी एस आय सौ . नूतन सरडे यांच्या प्रमुख उपस्थित मध्ये जागतिक महिला दिनाच्या कार्यक्रमाचे उद्घाटन संपन्न झाले.

जागतिक महिला दिनानिमित्त सापटणे भो येथील शाळेमध्ये जवळजवळ दीडशे महिला मेळाव्यासाठी उपस्थित होत्या.सर्वप्रथम तालुका पंचायत समिती सदस्य पदी निवडून आल्याबद्दल सौ. स्वातीताई गिड्डे यांचा यथोचित सत्कार संपन्न झाला .

नंतर मेळाव्यामध्ये संगीत खुर्ची ,लिंबू चमचा , व उखाणे या स्पर्धा मोठ्या उत्साहात पार पडल्या. त्याचबरोबर काही महिला उत्स्फूर्तपणे मनसोक्त खो-खो खेळल्या. तदनंतर कुर्डूवाडी पोलीस स्टेशनच्या पीएसआय आदरणीय * सौ .नूतन ताई* राहुल सरडे यांनी मुलींना योग्य पोशाख वापरणे आणि धाडसाने वागणे ,त्याचबरोबर पोक्सो कायदा याविषयी यथोचित मार्गदर्शन केले.
यावेळी अनेक महिलांनी आपली मनोगते व्यक्त केली.

दरवर्षी ८ मार्च रोजी जगभरात आंतरराष्ट्रीय महिला दिन साजरा केला जातो. 8 मार्च हा दिवस महिलांना समर्पित आहे. हा दिवस नारीशक्ती आणि महिलांच्या यशस्वी कामगिरीला अभिवादन करण्याचा आहे.
महिला दिन आम्हाला महिलांच्या प्रत्येक छोट्या-मोठ्या लढाईला मान देण्याची आणि त्यांच्या स्वप्नांना उड्डाण देण्याची संधी देतो. हा दिवस महिलांनी समाजात दिलेल्या योगदानाची, त्यांच्या संघर्षाची आणि त्यांच्यासमोर येणाऱ्या आव्हानांची आठवण करून देतो. त्या आमच्यासाठी किती विशेष आहेत, हे या दिवशी त्यांना जाणवून दिले जाते.  

त्यामध्ये प्रामुख्याने सौ शोभाताई राऊत, सौ रेश्मा ताई राऊत ,सौ लक्ष्मी ताई शिंगाडे,सौ शितलताई अवचर ,सौ अश्विनीताई माळी, CRP सौ. रेखाताई माळी, कोमल गायकवाड यांनी आपले विचार व्यक्त केले . तसेच कु .सुफिया तमन्ना रुकमुद्यीन काझी हिने मी सावित्रीबाई* बोलतेय ! या विषयांवर सुंदर भाषण केले.
स्पर्धेतील विजयी महिलांना पारितोषिके देऊन त्यांचा गौरव करण्यात आला.
सरतेशेवटी सौ. स्वातीताई गिड्डे यांनी आपल्या भाषणातून महिलांना सक्षम व मजबूत बनण्याचे आवाहन केले.
कार्यक्रमाचे संयोजन श्रीम . आशा डावरे मॅडम व सौ. आशा मिरगणे मॅडम यांनी केले .
मुख्या. सौ. तळेकर मॅडम यांनी सर्वांचे आभार मानले.हा कार्यक्रम यशस्वी होण्यासाठी शाळेची शाळेतील शिक्षक वृंद श्री. मिरगणे सर, माने सर ,गिलबिले सर व लंकेश्वर सर यांनी सहकार्य केले .