कुरुंदवाड परिसरात होळी सणानंतर रंगपंचमी मोठ्या उत्साहात संपन्न…..
प्रतिनिधी :- दरिकांत कोळेकर. सारथी महाराष्ट्राचा न्युज.
कुरुंदवाड :- कुरुंदवाड शहर व परिसरात होळी सण पारंपरिक पद्धतीने साजरा करण्यात आला होळी पाठोपाठ दुसरा दिवस धुलिवंदन अर्थात धुळवड ही उत्साहात झाली. शहर व परिसरात आबालवृद्धांनी रंगपंचमी खेळुन वसंत ऋतूचे स्वागत केले. अनेक ठिकाणी कोरडी, ओली रंगपचमी खेळण्यावर भर देण्यात आला होता. तर रस्ते हे रंगमय झाले होते. तर डॉल्बीच्या तालावर अनेक तरुणांनी थिरकत रंगपंचमी मोठ्या उत्साहात साजरी केली.
सोमवारी सायंकाळी घरोघरी विधिवत पूजा करून होळी पेटविण्यात आली. त्याचबरोबर विविध भागात मंडळांच्या वतीने होळीचे पूजन करण्यात आले. होळीला पुरणपोळीचा नैवेद्य दाखवण्यात आला. यावेळी बालचमू कडून टिमकीचा दणदणाट करण्यात येत होता.शेणी, लाकडे गोळा करण्यात बालचमू मग्न होता. सायंकाळी शेणी, लाकडासह सर्वापेक्षा आपली होळी मोठी असण्याकडे तरुणाईचा कल होता. यावेळी बालचमूनी जोरदार शंखध्वनी केला. दरम्यान शहरातील काही मंडळांनी सामाजिक भावनेतून शेणीदान व पुरण पोळी आश्रम शाळेस दान देण्याचे उपक्रम राबविण्यात आले.
होळी नंतर पाचव्या दिवशी रंगपंचमी साजरी केली जाते. रविवारी सकाळ पासून येथील शहर व परिसरात तरूणाईसह आबालवृद्ध रंगांची उधळण करत होते. दुपारनंतर युवक व युवती या रंगपंचमीच्या सणात सामील झाले होते. शहरातील गल्लीबोळासह चौका-चौकात रंगपंचमी साजरी करण्यात आल्याने रस्ते गुलाबी, निळे, लाल, पिवळे, हिरवे, तांबड्या रंगाने नाऊन निघाले होते. बच्चेकंपनी एकमेकांच्या अंगावर पिचकारीने रंग उडताना दिसून आले तर रंगाने भरलेले फुगे अंगावर फोडून रंगपंचमी साजरी केली. युवक, युवतीने एकमेकांच्या चेहऱ्याला रंग लावत रंगपंचमीचा आनंद लुटला. काही ठिकाणी महिलांनी कोरड्या रंगाऐवजी पाण्याचा मोठ्या प्रमाणात वापर केला. मोठ्या उत्साही वातावरणात रंगपंचमी साजरी केली.
गेली दोन दिवस विविध रंगानी व पिचकारी, फूगे यांनी बाजारपेठेतील दुकाने सजली होती. रंग पिचकारी व फुगे खरेदी करण्यासाठी युवक व युतीने दुकानात मोठी गर्दी केली होती. येथील ओंकार चौक, गिरीश सिनेमा जवळ मोरया क्रीडा व सांस्कृतिक मंडळाच्या वतीने, सन्मित्र चौक, नगरपरिषद चौक, काळाराम मंदिर, ईगल चौक, डॉ, बाबासाहेब आंबेडकर चौक, भैरववाडी, माळ भाग या परिसरात डॉल्बीच्या तालावर तरुणाईने थिरकत मोठ्या उत्साही वातावरणात रंगपंचमी साजरी केली. या रंगपंचमी उत्सवात नागरिकां सह तरुणाई व बालचमू सहभागी झाले होते.
कुरुंदवाड नगरपरिषदेने तबक उद्यान येथे रंगपंचमीचा घाट घातला होता, आज 8 मार्च जागतिक महिला दिनानिमित्त फक्त महिलांसाठी रंगपंचमीचे आयोजन कुरुंदवाड नगरींच्या लोकनियुक्त महिला नगराध्यक्षा मनिषा डांगे व महिला व बाल कल्याण सभापती जुवेरिया गोलंदाज यांनी बंदिस्त रंगपंचमी चा नवीन उपक्रम राबवीत. महिला दिन ही साजरा केला.महिलांचा मोठा सहभाग दिसून येत होता.
