परभणी / प्रतिनिधी : रमेश मुलगीर
पंचायत समिती मानवत येथील नवनिर्वाचित सदस्यांची विशेष सभा दिनांक १० मार्च २०२६ रोजी दुपारी २.०० वाजता आयोजित करण्यात आली असून या सभेत सभापती व उपसभापती पदाची निवडणूक घेण्यात येणार आहे.
सदर निवडणुकीसाठी इच्छुक उमेदवारांकडून नामनिर्देशन पत्रे १० मार्च रोजी सकाळी १०.०० ते १२.०० वाजेपर्यंत सभेच्या ठिकाणी स्वीकारण्यात येणार आहेत. त्यानंतर नामनिर्देशन पत्रांवरील सर्व प्रक्रिया पूर्ण करून दुपारी २.०० वाजता प्रत्यक्ष निवडणूक घेण्यात येणार असल्याची माहिती पीठासीन अधिकारी अरुणा संगेवार यांनी दिली आहे.
या सभेत पंचायत समितीच्या सभापती व उपसभापती पदाची निवड प्रक्रिया पार पडणार असल्याने तालुक्यातील राजकीय वर्तुळाचे लक्ष या निवडणुकीकडे लागले आहे.
