अकिवाट येथे आपत्ती व्यवस्थापन चर्चासत्र शिबिर संपन्न…
प्रतिनिधी :-दरिकांत कोळेकर. सारथी महाराष्ट्राचा न्युज.
कुरुंदवाड :-अकिवाट येथे आपत्ती व्यवस्थापनच्या वतीने चर्चा सत्राचे आयोजन करण्यात आले होते.
अकिवाट येथील डॉन बॉस्को,यूपीएस ,बास्कोनेट, कोकण डेव्हलपमेंट सोसायटी यांच्यामार्फत शिरोळ तालुक्यामध्ये काही गावात आपत्ती व्यवस्थापन शिबिर आयोजित केले होते. यामध्ये हेल्पिंग हॅन्ड रेस्क्यू फोर्स यांच्या माध्यमातून सैनिक टाकळी, अकिवाट, कोथळी, वळीवडे या ठिकाणी आपत्ती व्यवस्थापन प्रशिक्षण देण्यात आले. आपत्ती व्यवस्थापन मध्ये लागणाऱ्या साहित्यांची ओळख त्याचा वापर कसा करावा, घरगुती साहित्यातून मदत कशी करावी, महापूर, आग लागणे, भूकंप या आपत्तीच्या वेळी कोणत्या पद्धतीने संकटाशी सामोरे जावे, याबद्दल चर्चासत्र शिबिर आयोजित केले होते.
सोमवारी या तीन महिन्याच्या कार्यक्रमांमध्ये आयोजित झालेल्या उपक्रम माहितीचा आढावा घेण्यात आला. सदरच्या कार्यक्रमासाठी डॉन बॉस्को कंपनीचे हेड फादर संतानम, के डी एस चे डायरेक्टर फादर रॉयलस्टंन, प्रोजेक्ट ऑफिसर राजेंद्र कांबळे, समन्वयक शितल कांबळे, मच्छिंद्र कांबळे यांनी हा कार्यक्रम आयोजन केले होते .
कार्यक्रमाचे अध्यक्ष, उपसरपंच -श्रीराम हूजरे, ग्रामपंचायत सदस्य शितल हळींगळे, आप्पासो म्हैशाळे,ग्रामसेवक विजय कोळी, मुख्याध्यापिका अंबूपे मॅडम प्रमुख मान्यवर उपस्थितीत होते. यावेळी आपत्ती व्यवस्थापन साहित्य सामग्रीचे वाटपही करण्यात आले. त्याचबरोबर हेल्पिंग हॅन्ड रेस्क्यू फोर्स चे निलेश तवंदकर, सागर सुतार, सुबहन बागवान, शुभम कुरणे,शालमोन आवळे, आनंद कोष्टी, सागर जुगळे, सचिन मठपती, शुभम आंबी, चेतन कोळी, आदेश पाटील, व आशा सेविका, तसेच ग्रामपंचायतचे सर्व कर्मचारी उपस्थित होते.
