अवघ्या १२ तासांत गुन्ह्याचा पर्दाफाश; पोलिस स्टेशन शेवली पोलीस अंमलदार प्रल्हाद चिरफरे ( केवट) यांचा प्रशस्तीपत्राने गौरव!!! 🚨 चपळ तपासामुळे आरोपी जेरबंद; सेवली पोलिसांची जलद अ‍ॅक्शन
जाफराबाद तालुका प्रतिनिधी :- अरुण बिलघे
जालना :- कर्तव्यदक्ष व तत्पर तपासकामगिरी करत गुन्ह्याचा अवघ्या १२ तासांत उलगडा करणाऱ्या पोलीस अंमलदार प्रल्हाद चिरफरे ( केवट ) (पोलीस ठाणे सेवली) यांना पोलीस अधीक्षक कार्यालय, जालना यांच्या वतीने प्रशस्तीपत्र प्रदान करून सन्मानित करण्यात आले.
गुन्हा रजिस्टर क्रमांक १६२/२०२५ अंतर्गत दाखल प्रकरणात १४ डिसेंबर २०२५ रोजी मोटारसायकलस्वाराकडून सोन्याची चैन हिसकावून नेण्याची घटना घडली होती.
बॅगमधील एकुण 10,50000/- किमतीचे सोने-चांदी दागिने आसता सदर गुन्ह्याचा तपास करताना पोलीस अंमलदार प्रल्हाद चिरफरे ( केवट ) यांनी तांत्रिक माहिती व कौशल्यपूर्ण तपासाच्या आधारे आरोपीचा शोध घेत अवघ्या १२ तासांच्या आत आरोपीला मुद्देमालासह ताब्यात घेतले. तसेच चोरीस गेलेला ऐवज फिर्यादीस परत मिळवून देण्यात यश आले.
उत्कृष्ट तपासकार्य व कर्तव्यनिष्ठ सेवेमुळे जनतेमध्ये पोलीस दलाबद्दल विश्वास वाढल्याचे नमूद करत पोलीस अधीक्षक अजयकुमार बंसल (भा.पो.से.) यांनी त्यांना प्रशस्तीपत्र देऊन गौरव केला. त्यांच्या या कामगिरीबद्दल पोलीस विभागासह नागरिकांकडूनही कौतुक व्यक्त करण्यात येत आहे.
