आदिवासी कोळी शिखर बहुउद्देशीय संस्था, रावेर (ता. रावेर, जि. जळगाव) यांच्या वतीने पहिली बैठक रावेर येथे उत्साहात पार पडली.
बैठकीच्या अध्यक्षस्थानी मनोहर कोळी होते.बैठकीदरम्यान आदिवासी कोळी समाजाच्या सामाजिक, शैक्षणिक व आर्थिक विकासासाठी विविध उपक्रम राबविण्याबाबत सविस्तर चर्चा करण्यात आली.
समाजातील युवकांना संघटित करणे, विद्यार्थ्यांना शैक्षणिक मार्गदर्शन देणे तसेच समाजहितासाठी विविध कार्यक्रम आयोजित करण्याचा निर्णय घेण्यात आला.
यावेळी संस्थेचे अध्यक्ष मनोहर कोळी, उपाध्यक्ष विनोद कोळी, सचिव योगेश कोळी (रा. तांदलवाडी), सहसचिव संजय माकवाडे, प्रमुख संघटक जिंदादार बिर्ली, कार्याध्यक्ष दीपक कोळी, सहसचिव शुभम कोळी, सदानंद ओसवाल कोळी यांच्यासह समाजातील अनेक पदाधिकारी व सदस्य उपस्थित होते.तसेच अतुल सिंगारे, हरीलाल कोळी, गणेश कोळी, विनोद कोळी, संदीप महाजन, नितीन सस्ते, राजेंद्र पाटील, प्रमोद कोळी, ईश्वर कोळी, निलेश कोळी, मनोज शरद कोळी, उमेश कोळी, ज्ञानेश्वर खवले यांच्यासह इतर समाजबांधव मोठ्या संख्येने उपस्थित होते.
बैठकीत समाजाच्या प्रगतीसाठी सर्वांनी एकत्रितपणे कार्य करण्याचा निर्धार व्यक्त केला.
