ग्रामसभेत घेतले गुप्त मतदानातून कौल
परभणी/प्रतिनिधी :- रमेश मुलगीर
मानवत तालुक्यातील मानोली येथे ग्रामरोजगार सेवकविरोधात तक्रारींचा पाऊस पडत होता. या पार्श्वभूमीवर ग्रामसभेत त्याला हटविण्याचा ठराव घेण्यासाठी गुप्त मतदान घेण्यात आले. या मतदान प्रक्रियेत नागरिकांनी उत्स्फूर्त सहभाग नोंदवला.मानोली गावात रोजगार सेवकाविरोधात सातत्याने तक्रारी येत असल्याने ग्रामपंचायत सदस्य व ग्रामस्थांनी एकत्र येत विशेष ग्रामसभा बोलावली. या ग्रामसभेत रोजगार सेवकाला पदावरून कमी करण्यासाठी गुप्त मतदान घेण्यात आले. यावेळी मोठ्या संख्येने ग्रामस्थ उपस्थित होते.मतदान प्रक्रियेसाठी गावात विशेष व्यवस्था करण्यात आली होती. मतदान शांततेत पार पडावे यासाठी पोलिस बंदोबस्तही ठेवण्यात आला होता. नागरिकांनी रांगा लावून मतदान केले.ठरावाचा अहवाल गटविकास अधिकाऱ्याकडेग्रामसभेत उपस्थित असलेल्या ग्रामस्थांनी गुप्त मतदान प्रक्रियेत सहभाग नोंदवून आपले मत नोंदवले.मतदानानंतर ठरावाचा अहवाल तयार करून तो गटविकास अधिकाऱ्याकडे पाठविण्यात येणार असल्याचे ग्रामपंचायतीकडून सांगण्यात आले.तर सेवेतून कमी करण्यासाठी कार्यवाही केली जाणारया संपूर्ण प्रक्रियेची माहिती प्रशासनाकडे पाठविण्यात येणार असून, त्यानंतर संबंधित रोजगार सेवकावर कारवाई केली जाणार आहे. गुप्त मतदानात ग्रामस्थांनी सेवकाविरोधात मत दिल्यास त्याला सेवेतून कमी करण्याची कार्यवाही केली जाणार असल्याचे सांगण्यात आले.
