अंदरसुल (प्रतिनिधी) : येवला तालुका सहकारी खरेदी-विक्री संघाच्या चेअरमनपदी मच्छिंद्र पुंडलिक थोरात यांची बिनविरोध निवड करण्यात आली. त्यांच्या निवडीमुळे तालुक्यात आनंदाचे वातावरण निर्माण झाले आहे.
ही निवड महाराष्ट्र राज्याचे अन्न व नागरी पुरवठा मंत्री छगन भुजबळ यांच्या सूचनेनुसार पार पडली. मच्छिंद्र थोरात हे भुजबळ यांचे विश्वासू कार्यकर्ते म्हणून ओळखले जातात.
निवड प्रक्रियेदरम्यान सहाय्यक निबंधक सहकारी संस्था येवला येथील विजयसिंग राजपुत यांनी निवडणूक निर्णय अधिकारी म्हणून काम पाहिले.
या प्रसंगी तालुक्यातील विविध मान्यवर उपस्थित होते. यामध्ये मारोतीराव पवार, माणिकराव शिंदे, अंबादास बनकर, नरेंद्र दराडे, संभाजी राजे पवार, भुजबळ यांचे स्वीय सहाय्यक लोखंडे, कृ.बा.स. येवला सभापती वसंतराव पवार, संचालक बापू गायकवाड, अरुण काळे, तसेच सचिव व्यापारे यांचा समावेश होता.
तसेच संघाच्या व्हाइस चेअरमन सविता देवरे, सुनीता देशमुख यांच्यासह भास्कर येवले, पी. के. काळे, मनोज रंधे, विजय कोटमे, संजय सालमुठे, परशराम गांगुर्डे, प्रताप दाभाडे, शानेश्वर बोरणारे, सुमित थोरात, ऋषिकेश कुऱ्हे, महेंद्र वैद्य, ताई बोडके, गंगाराम भागवत, साहेबराव दौंड, दत्तू देवरे, दिलीप बोडके, नवनाथ थोरात, नंदकिशोर भोरकडे, संतोष खकाळे, भाऊसाहेब सोनवने, प्रभाकर रंधे, साईनाथ येवले, तुकाराम घायवट, भीमराज आहेर, योगेश थोरात, प्रकाश दाणे, नवाज मुलतानी आदी पदाधिकारी मोठ्या संख्येने उपस्थित होते.
मच्छिंद्र थोरात यांच्या निवडीबद्दल सर्व स्तरातून त्यांच्यावर अभिनंदनाचा वर्षाव होत असून, त्यांच्या नेतृत्वात संघाची प्रगती होईल, अशी अपेक्षा व्यक्त केली जात आहे.
