आजरा (प्रतिनिधी) : सध्या गॅस टंचाईच्या अफवा सर्वत्र पसरत असल्या तरी प्रत्यक्षात गॅस पुरवठा सुरळीत सुरू असल्याची माहिती आजरा तालुक्यातील रवळनाथ इंडेन गॅस एजन्सी तर्फे देण्यात आली आहे. एजन्सीकडून सुमारे २५ हजार ग्राहकांना नियमित व नियोजनबद्ध सेवा दिली जात असून, नागरिकांनी अफवांवर विश्वास ठेवू नये, असे आवाहन संचालिका सौ. धनश्री देसाई व मानसिंग देसाई यांनी केले आहे.
पुरवठा सुरळीत, तुटवडा नाही
गेल्या काही दिवसांत गॅस सिलिंडर मिळण्यात अडचणी येत असल्याच्या चर्चा सुरू असल्या तरी कंपनीकडून गॅसच्या गाड्या नियमितपणे येत आहेत. “गॅसचा कोणताही तुटवडा नाही, पुरवठा साखळी व्यवस्थित सुरू आहे,” असे एजन्सीने स्पष्ट केले आहे.
ऑफिससमोरील गर्दी टाळा
ग्राहकांनी गॅससाठी एजन्सीसमोर रांगा लावू नयेत, असेही आवाहन करण्यात आले आहे. यामुळे अनावश्यक गर्दी व गैरसमज निर्माण होतात.
वितरणाची प्रक्रिया
- ग्राहकांनी गॅस बुकिंग केल्यानंतर मोबाईलवर डी.ए.सी. (DAC) नंबर प्राप्त होईल
- त्या नंबरनंतर ठरलेल्या वेळेत सिलिंडर घरपोच दिला जाईल
व्यावसायिक सिलिंडर वितरण
व्यावसायिक सिलिंडरचे वितरण तहसील पुरवठा विभागाच्या नियोजनानुसारच केले जाणार असल्याची माहितीही देण्यात आली आहे.
एकंदरीत, नागरिकांनी अफवांना बळी न पडता अधिकृत माहितीवर विश्वास ठेवावा आणि एजन्सीला सहकार्य करावे, असे आवाहन करण्यात आले आहे.
