पनवेल/ कळंबोली (ता. प्रतिनिधी)-
कळंबोली येथील ‘गोल्डन किंग सलून आणि स्पा’ मध्ये, सेक्टर 16, कळंबोली या ठिकाणी मसाजच्या नावाखाली सुरू असलेल्या वेश्या व्यवसायावर गुन्हे शाखेच्या पोलिसांनी छापा टाकला.
या कारवाईत पोलिसांनी दोन पीडित महिलांची सुटका केली असून दोन आरोपींना अटक केली आहे सदर आरोपींना 5 एप्रिल पर्यंत पोलीस कोठडी देण्यात आली आहे.
नवी मुंबई पोलीस आयुक्त मिलिंद भारंबे यांच्या मार्गदर्शनाखाली अनैतिक मानवी वाहतूक प्रतिबंधक कक्षाने (AHTU) ही धडक कारवाई केली. बनावट ग्राहक पाठवून या रॅकेटचा पर्दाफाश करण्यात आला. आरोपी महिलांना पैशांचे आमिष दाखवून त्यांच्याकडून जबरदस्तीने हे कृत्य करून घेत होते.
