जळकोट शहरातील कामशेटे मळा येथे श्री नृसिंह मंदिर मूर्ती प्राणप्रतिष्ठा व कलारोहण सोहळ्याचे आयोजन करण्यात आले असून, परिसरात भक्तिमय वातावरण निर्माण झाले आहे.
दि. ९ मे २०२६ रोजी भव्य शोभायात्रेचे आयोजन करण्यात आले आहे. ही शोभायात्रा श्री नागोराव कामशेटे यांच्या घरापासून श्री नृसिंह मंदिर, कामशेटे मळा पर्यंत काढण्यात येणार आहे.
या धार्मिक सोहळ्याचा शुभारंभ श्री १०८ गुरुवर्य डॉ. विरुपाक्ष शिवाचार्य महाराज, गणाचार्य मठ संस्थान, मुखेड यांच्या शुभहस्ते होणार असून, त्यांच्या उपस्थितीत विधिवत मूर्ती प्राणप्रतिष्ठा आणि कलारोहण सोहळा संपन्न होणार आहे.
त्यानंतर कलशस्थापना विधी पार पडणार असून, सर्व भाविक भक्तांसाठी महाप्रसादाचे आयोजन करण्यात आले आहे.
या सोहळ्यास जळकोट परिसरातील भाविकांनी मोठ्या संख्येने उपस्थित राहून धार्मिक कार्यक्रमाचा लाभ घ्यावा, असे आवाहन आयोजकांच्या वतीने करण्यात आले आहे.
