स्वतः ई-वाहन वापरून दिला इंधन बचतीचा संदेश; पंतप्रधान मोदींच्या आवाहनाला प्रतिसाद
श्रीगोंदा | तालुका प्रतिनिधी
पंतप्रधान नरेंद्र मोदी यांच्या इंधन बचत व पर्यावरण संरक्षणाच्या आवाहनाला श्रीगोंदा मतदारसंघाचे आमदार विक्रमसिंह पाचपुते यांनी सकारात्मक प्रतिसाद देत स्वतः इलेक्ट्रिक (EV) वाहनाचा वापर सुरू केला आहे. वाढते प्रदूषण रोखणे आणि इंधनावरील खर्च कमी करण्याच्या उद्देशाने त्यांनी हा पर्यावरणपूरक उपक्रम हाती घेतला आहे.
पंतप्रधान मोदी यांच्या आत्मनिर्भर भारत आणि प्रदूषणमुक्त भारत या संकल्पनांना बळ देण्यासाठी प्रत्येक नागरिकाने बदल स्वीकारणे आवश्यक असल्याचे आमदार पाचपुते यांनी सांगितले. “स्वतःपासून सुरू केलेली ही छोटी सुरुवात भविष्यात मोठ्या पर्यावरणीय बदलाला कारणीभूत ठरेल,” असा विश्वास त्यांनी व्यक्त केला.
लोकप्रतिनिधी म्हणून कृतीतून दिलेला हा संदेश मतदारसंघातील नागरिकांसाठी प्रेरणादायी ठरत असून, पर्यावरण संरक्षणासाठी आणि इंधन बचतीसाठी नागरिकांनीही योग्य पर्यायांचा स्वीकार करावा, असे आवाहन आमदार विक्रमसिंह पाचपुते यांनी केले आहे.
ई-वाहनांच्या वापरामुळे इंधन बचतीसोबतच प्रदूषण नियंत्रणालाही मोठी मदत होणार असल्याने या उपक्रमाचे सर्व स्तरातून स्वागत होत आहे.
