कन्नड प्रतिनिधी :
कन्नड येथील सारा इंग्लिश मीडियम स्कूलमध्ये शिक्षण घेत असलेल्या कु. सहेर तुफेल हिने दहावीच्या परीक्षेत ८८.६० टक्के गुण मिळवत प्रथम श्रेणीत उत्तीर्ण होऊन शाळेत प्रथम येण्याचा मान पटकावला आहे.
सहेर ही कन्नड येथील खादी ग्रामोद्योग महामंडळाचे उपाध्यक्ष तुफेल अख्तर शेख यांची कन्या असून अत्यंत प्रतिकूल आणि हलाखीच्या परिस्थितीतही तिने हे उल्लेखनीय यश संपादन केले आहे.
आपल्या मुलीच्या यशाबद्दल बोलताना तुफेल शेख यांनी सांगितले की, “सहेर अत्यंत हुशार आणि मेहनती विद्यार्थिनी आहे. तिच्या पुढील शिक्षणासाठी कोणतीही अडचण येऊ देणार नाही,” असा विश्वास त्यांनी व्यक्त केला.
सहेरच्या या यशाबद्दल तिचे आई-वडील, काका-काकू, नातेवाईक तसेच मित्रपरिवाराकडून तिच्यावर अभिनंदनाचा वर्षाव होत आहे.
