अकोला, दि. १६
पातूरनंदापूर ता. जि. अकोला येथे आज दि. १६ मे २०२६ रोजी जनगणना २०२७ कार्यक्रमांतर्गत घरयादी तयार करण्याच्या कार्याला अधिकृतपणे सुरुवात करण्यात आली.
या उपक्रमाच्या पहिल्या टप्प्यात घरांची गणना करण्यात येणार असून, नागरिकांची अचूक माहिती संकलित करण्यासाठी प्रशासनाकडून नियोजनबद्ध पद्धतीने कार्य सुरू करण्यात आले आहे.
यावेळी प्रगणक आर. एल. मनवर, सचिन लाखे, बी. डी. कांबळे तसेच पर्यवेक्षक कथलकर उपस्थित होते. जनगणना प्रक्रिया पारदर्शक आणि अचूक पद्धतीने पूर्ण करण्यासाठी प्रशासनाने नागरिकांनी सहकार्य करावे, असे आवाहन करण्यात आले आहे.
