मानवत | प्रतिनिधी
मानवत तालुक्यातील पंचायत समिती अंतर्गत गट शिक्षणाधिकारी कार्यालयाच्या सावरगांव केंद्राचे केंद्रप्रमुख निलू पवार हे सेवामुक्त झाल्याने रिक्त झालेल्या केंद्रप्रमुख पदाचा अतिरिक्त कार्यभार केकरजवळा केंद्राचे केंद्रप्रमुख ओम मुळे यांच्याकडे सोपविण्यात आला आहे.
ओम मुळे यांनी एम.ए., एम.एड., डी.एस.एम., एम.सी.ई.डी., डी.इ. अशी विविध पदवी प्राप्त केली असून तालुक्याच्या शिक्षण क्षेत्रात अष्टपैलू कार्य करणारे अधिकारी म्हणून त्यांची ओळख आहे. शिस्तप्रियता, कामातील तत्परता आणि हजरजबाबीपणा हे त्यांच्या कार्यशैलीचे विशेष गुण मानले जातात.
सध्या मानवत तालुक्यात रिक्त असलेल्या ज्येष्ठ शिक्षण विस्तार अधिकारी पदाचाही कार्यभार त्यांच्याकडे देण्यात यावा, अशी मागणी शिक्षणप्रेमी नागरिकांकडून होत आहे. उच्चशिक्षित व अनुभवी अधिकारी म्हणून त्यांच्या नेतृत्वामुळे तालुक्यातील शिक्षणाचा दर्जा उंचावण्यास मदत होईल, असा विश्वासही व्यक्त केला जात आहे.
