सारथी महाराष्ट्राचा
शहापूर | प्रतिनिधी
लोक हिंद वृत्तवाहिनी, ठाणे जिल्हा ग्रामीण पत्रकार संघ आणि साप्ताहिक शिवमार्ग यांच्या संयुक्त विद्यमाने दि. १७ मे २०२६ रोजी ठाणे येथील ज्ञानदेव सेवा मंडळ सभागृहात राज्यस्तरीय पुरस्कार सोहळ्याचे आयोजन करण्यात आले होते. हा सोहळा विविध मान्यवरांच्या उपस्थितीत उत्साहात पार पडला.
या कार्यक्रमात विविध क्षेत्रात उल्लेखनीय कार्य करणाऱ्या ५० मान्यवरांचा सन्मान करण्यात आला. यामध्ये शहापूर तालुक्यातील किन्हवली परिसरातील कानडी गावचे सुपुत्र तथा शहापूर पंचायत समितीचे वरिष्ठ लिपिक मेघराज विठ्ठल निमसे यांना त्यांच्या उत्कृष्ट कार्याची दखल घेऊन ‘सुधाकरराव नाईक स्मृती लक्षवेधी लोकसेवक’ या राज्यस्तरीय ‘लोक हिंद पुरस्काराने’ गौरविण्यात आले.
हा पुरस्कार पंतप्रधान नरेंद्र मोदी यांचे राजकीय सल्लागार तथा ज्येष्ठ पत्रकार उदय निरगुडकर, माजी जिल्हा परिषद सदस्य उल्हासभाऊ बांगर, नगरसेवक राजेश मोरे, लोक हिंदचे वृत्तसंपादक तथा माजी उपसभापती महेशकुमार धानके आणि पुरस्कार समिती प्रमुख किसन बोद्रे यांच्या हस्ते प्रदान करण्यात आला.
कार्यक्रमात अनेक क्षेत्रांतील गुणवंत व्यक्तींचा सन्मान करण्यात आला असून संपूर्ण सोहळा अत्यंत दिमाखात पार पडला. मेघराज निमसे यांच्या या यशाबद्दल कानडी गावासह शहापूर तालुक्यातून त्यांच्यावर अभिनंदनाचा वर्षाव होत आहे.
