सारथी महाराष्ट्राचा
खटाव प्रतिनिधी :
बहुजन समाज पक्षाचे खटाव तालुकाध्यक्ष गणेश अशोक थोरात (रा. धोंडेवाडी) यांचा भीषण अपघातात दुर्दैवी मृत्यू झाला. या अपघातात त्यांचे वडील अशोक थोरात गंभीर जखमी झाले असून त्यांच्यावर कराड येथे उपचार सुरू आहेत.
मिळालेल्या माहितीनुसार, गणेश थोरात हे आपल्या वडिलांना दुचाकीवरून घेऊन धोंडेवाडी गावाकडे जात होते. कातर-खटाव रस्त्यावरील काबुगडे वस्ती परिसरात समोरून भरधाव वेगाने येणाऱ्या चारचाकी वाहनाने त्यांच्या दुचाकीला जोरदार धडक दिली.
या भीषण अपघातात गणेश थोरात आणि त्यांचे वडील गंभीर जखमी झाले. त्यांना तात्काळ मायणी येथील खासगी रुग्णालयात उपचारासाठी दाखल करण्यात आले. मात्र, उपचारापूर्वीच डॉक्टरांनी गणेश थोरात यांना मृत घोषित केले.
गणेश थोरात यांच्या अकस्मिक निधनामुळे धोंडेवाडी परिसरासह खटाव तालुक्यात हळहळ व्यक्त होत आहे. सामाजिक आणि राजकीय क्षेत्रात सक्रिय असलेल्या गणेश थोरात यांच्या निधनाने बहुजन समाज पक्षास मोठा धक्का बसला आहे.
