बीड (प्रतिनिधी)- धर्मवीर छत्रपती संभाजी महाराज यांच्या जयंतीनिमित्त बीड शहरातील अंबिका चौक येथे युवा नेते कुंदन काळे यांच्या पुढाकारातून आयोजित करण्यात आलेल्या भव्य शाहिरी पोवाडा कार्यक्रमाने संपूर्ण शहरात ऐतिहासिक आणि उत्साहपूर्ण वातावरण निर्माण केले. ‘द फोक आख्यान फेम शाहीर चंद्रकांत माने यांचा महाराष्ट्राचा शाहिरी बाणा’ या कार्यक्रमाने हजारो शिवप्रेमी, तरुणाई आणि नागरिकांच्या उपस्थितीत अक्षरशः इतिहास जागवला.
‘माझं राज छत्रपती झालं गं’ या प्रचंड वायरल गीतामुळे घराघरात पोहोचलेले शाहीर चंद्रकांत माने यांच्या ‘महाराष्ट्राचा शाहिरी बाणा’ या लोकप्रिय कार्यक्रमासाठी अंबिका चौकात नागरिकांची मोठी गर्दी उसळली होती. यावेळी संभाजी महाराजांच्या जयघोषाने संपूर्ण परिसर दुमदुमून गेला होता. या भव्य कार्यक्रमास आमदार संदीप भैय्या क्षीरसागर, राष्ट्रवादी काँग्रेसचे जिल्हाध्यक्ष राजेंद्र भाऊ
मस्के साहेब, उपनगराध्यक्ष विनोदमुळूक, नगरसेवक किशोर आप्पा पिंगळे, नगरसेवक राणा भैय्या चव्हाण, नगरसेवक अक्षय जाधव, नगरसेवक राहुल गुरखुदे, नगरसेवक शेख अथर, नगरसेवक गोडसे धारूर नगरीचे सुरेश बप्पा शेळके, सनी भैय्या वाघमारे, उमेश गायकवाड, सरपंच रितेश साबळे,
रवी शिंदे, यांसह विविध प्रभागांचे नगरसेवक, विविध सामाजिक व राजकीय संघटनांचे पदाधिकारी, उद्योजक, अनेक रीलस्टार्स तसेच शहरातील तरुण-तरुणी मोठ्या संख्येने उपस्थित होते. कार्यक्रमाला लाभलेली उत्स्फूर्त गर्दी आणि तरुणांचा प्रतिसाद हा चर्चेचा विषय ठरला.
