सोनके, ता. कोरेगाव प्रतिनिधी
सोनके येथे दिनांक 20 व 21 मे 2026 रोजी श्री कालभैरवनाथ मंदिर आणि जोगेश्वरी माता यांच्या कृपेने नऊ किलो चांदीच्या नागदेवता व पलंग अर्पण सोहळा मोठ्या उत्साहात पार पडला. हा सोहळा महादेव बाबुराव धुमाळ तसेच त्यांचे चिरंजीव महेश महादेव धुमाळ आणि मंगेश महादेव धुमाळ यांच्या वतीने आयोजित करण्यात आला होता.
दिनांक 20 मे रोजी शाही मिरवणूक सोहळ्याचे आयोजन करण्यात आले होते. या मिरवणुकीत भाविक, ग्रामस्थ आणि मान्यवरांनी मोठ्या संख्येने सहभाग घेतला. धार्मिक वातावरणात ढोल-ताशांच्या गजरात सोहळा पार पडला.
दुसऱ्या दिवशी 21 मे रोजी पहाटेपासून श्री कालभैरवनाथ व जोगेश्वरी माता यांना अभिषेक करण्यात आला. यावेळी होमहवन, पूजा, भजन, जलअर्पण सोहळा तसेच महाप्रसादाचे आयोजन करण्यात आले होते.
सायंकाळी शिवलीलाताई पाटील यांचे सुप्रसिद्ध कीर्तन संपन्न झाले. या धार्मिक कार्यक्रमासाठी पंचक्रोशीतील भाविकांनी मोठ्या संख्येने उपस्थित राहून भक्तिमय वातावरण अनुभवले.
